Read Ang Bagong Ang Biblia Psalms 47 Bible Online

Psalms 47 - Ang Bagong Ang Biblia bible

Psalms 47

¹ Ipalakpak ang inyong mga kamay, kayong lahat na mga bayan! Sumigaw kayo sa Diyos nang malakas na tinig ng kagalakan!

² Sapagkat ang PANGINOON, ang Kataas-taasan, ay kakilakilabot; isang dakilang hari sa buong lupa.

³ Ang mga bayan sa ilalim natin ay pinasusuko niya, at ang mga bansa sa ilalim ng ating mga paa.

⁴ Kanyang pinili ang pamanang para sa atin, ang kaluwalhatian ni Jacob na kanyang minamahal. (Selah)

⁵ Ang Diyos ay pumailanglang na may sigaw, ang PANGINOON na may tunog ng trumpeta.

⁶ Kayo"y magsiawit ng mga papuri sa Diyos, kayo'y magsiawit ng mga papuri! Kayo'y magsiawit ng mga papuri sa ating Hari, kayo'y magsiawit ng mga papuri!

⁷ Sapagkat ang Diyos ang hari ng buong lupa; magsiawit kayo ng mga papuri na may awit!

⁸ Ang Diyos ay naghahari sa mga bansa; ang Diyos ay nakaupo sa kanyang banal na trono.

⁹ Ang mga pinuno ng mga bayan ay nagtipun-tipon bilang bayan ng Diyos ni Abraham; sapagkat ang mga kalasag ng lupa ay sa Diyos; siya'y napakadakila.