Read Ang Bagong Ang Biblia Psalms 63 Bible Online

Psalms 63 - Ang Bagong Ang Biblia bible

Psalms 63

¹ O Diyos, ikaw ay aking Diyos; hahanapin kitang maaga, nauuhaw sa iyo ang aking kaluluwa, ang aking laman sa iyo'y nananabik, gaya ng isang tuyo at lupang uhaw na walang tubig.

² Sa gayo'y tumingin ako sa iyo sa santuwaryo, na minamasdan ang kapangyarihan at kaluwalhatian mo.

³ Sapagkat ang iyong tapat na pag-ibig ay higit na mabuti kaysa buhay, pupurihin ka ng aking mga labi.

⁴ Sa gayo'y pupurihin kita habang ako'y nabubuhay; itataas ko ang aking mga kamay at tatawag sa iyong pangalan.

⁵ Ang kaluluwa ko'y masisiyahang gaya ng sa taba at katabaan, at ang bibig ko'y magpupuri sa iyo ng mga labing masaya,

⁶ kapag naaalala kita sa aking higaan, ginugunita kita sa pagbabantay sa gabi;

⁷ sapagkat naging katulong kita, at sa lilim ng mga pakpak mo'y umaawit ako sa tuwa.

⁸ Ang kaluluwa ko sa iyo'y nakatangan; inaalalayan ako ng iyong kanang kamay.

⁹ Ngunit ang mga nagsisikap na wasakin ang buhay ko, ay magsisibaba sa mga kalaliman ng mundo.

¹⁰ Sila'y ibibigay sa kapangyarihan ng tabak, sila'y magiging biktima para sa mga asong-gubat.

¹¹ Ngunit magagalak sa Diyos ang hari; lahat ng sumusumpa sa pamamagitan niya ay magpupuri, sapagkat ang bibig ng mga sinungaling ay patitigilin.