Read Ang Bagong Ang Biblia Psalms 70 Bible Online

Psalms 70 - Ang Bagong Ang Biblia bible

Psalms 70

¹ Malugod ka, O Diyos, na iligtas ako; O PANGINOON, magmadali kang ako'y tulungan mo!

² Mapahiya at malito nawa sila na tumutugis sa aking buhay! Maitaboy nawa sila at mawalan ng karangalan, silang nagnanais na ako'y masaktan!

³ Pangilabutan nawa sila dahil sa kanilang kahihiyan, silang nagsasabi, "Aha, Aha!"

⁴ Lahat nawang nagsisihanap sa iyo ay magalak at matuwa sa iyo! Yaon nawang umiibig sa iyong pagliligtas ay patuloy na magsabi, "Hayaang dakilain ang Diyos!"

⁵ Ngunit ako'y dukha at nangangailangan, magmadali ka sa akin, O Diyos! Ikaw ang aking saklolo at aking tagapagligtas; O PANGINOON, huwag kang magtagal!