Read Ang Bagong Ang Biblia Psalms 8 Bible Online

Psalms 8 - Ang Bagong Ang Biblia bible

Psalms 8

¹ O PANGINOON, aming Panginoon, sa buong lupa ay napakadakila ng iyong pangalan! Sa itaas ng mga langit ay inaawit ang iyong kaluwalhatian

² mula sa bibig ng mga sanggol at mga musmos, ikaw ay nagtatag ng tanggulan dahil sa mga kalaban mo, upang patahimikin ang kaaway at ang maghihiganti sa iyo.

³ Kapag pinagmamasdan ko ang iyong kalangitan, ang gawa ng iyong mga daliri, ang buwan at ang mga bituin na iyong inilagay;

⁴ ano ang tao upang siya'y iyong alalahanin? at ang anak ng tao upang siya'y iyong kalingain?

⁵ Gayunma'y ginawa mo siyang mababa lamang nang kaunti kaysa Diyos, at pinutungan mo siya ng kaluwalhatian at karangalan.

⁶ Binigyan mo siya ng kapamahalaan sa mga gawa ng iyong mga kamay; sa ilalim ng kanyang mga paa ay inilagay mo ang lahat ng mga bagay,

⁷ lahat ng tupa at baka, gayundin ang mga hayop sa parang,

⁸ ang mga ibon sa himpapawid, at ang mga isda sa dagat, anumang nagdaraan sa mga daanan ng dagat.

⁹ O PANGINOON, aming Panginoon, sa buong lupa ay napakadakila ang iyong pangalan!