Read Ang Bagong Ang Biblia Psalms 92 Bible Online

Psalms 92 - Ang Bagong Ang Biblia bible

Psalms 92

¹ Mabuti ang magpasalamat sa PANGINOON, ang umawit ng mga papuri sa iyong pangalan, O Kataas-taasan,

² ang magpahayag sa umaga ng iyong tapat na pagsuyo, at sa gabi ng katapatan mo,

³ sa tugtugin ng panugtog na may sampung kawad at ng alpa, at sa matunog na himig ng lira.

⁴ Sapagkat ikaw, PANGINOON, pinasaya mo ako ng iyong gawa; sa mga gawa ng iyong mga kamay ay aawit ako sa kagalakan.

⁵ Kay dakila ng iyong mga gawa, O PANGINOON! Ang iyong kaisipan ay napakalalim!

⁶ Ang taong mapurol ay hindi makakaalam; hindi ito mauunawaan ng hangal:

⁷ bagaman parang damo na ang masama ay lumilitaw, at umuunlad ang mga gumagawa ng kasamaan, sila'y nakatalaga sa pagkawasak magpakailanman,

⁸ ngunit ikaw, O PANGINOON, ay mataas magpakailanman.

⁹ Sapagkat, O PANGINOON, ang mga kaaway mo, sapagkat malilipol ang mga kaaway mo; lahat ng mga gumagawa ng kasamaan ay mangangalat.

¹⁰ Ngunit itinaas mo ang sungay ko, na gaya ng sa mailap na toro, ng sariwang langis ako'y binuhusan mo.

¹¹ Nakita ng aking mata ang pagbagsak ng aking mga kaaway, narinig ng aking mga tainga ang kapahamakan ng tumitindig laban sa akin.

¹² Ang matuwid ay umuunlad na parang puno ng palma, at lumalagong gaya ng sedro sa Lebanon.

¹³ Sila'y nakatanim sa bahay ng PANGINOON, sila'y lumalago sa mga bulwagan ng aming Diyos.

¹⁴ Sila'y namumunga pa rin sa katandaan; sila'y laging puno ng dagta at kasariwaan,

¹⁵ upang ipakilala na ang PANGINOON ay matuwid; siya'y aking malaking bato, at walang kasamaan sa kanya.