Read Ang Bagong Ang Biblia Psalms 95 Bible Online

Psalms 95 - Ang Bagong Ang Biblia bible

Psalms 95

¹ O halikayo, tayo'y umawit sa PANGINOON; tayo'y sumigaw na may kagalakan sa malaking bato ng ating kaligtasan!

² Lumapit tayo sa kanyang harapan na may pagpapasalamat; tayo'y sumigaw na may kagalakan sa kanya ng mga awit ng pagpupuri!

³ Sapagkat ang PANGINOON ay dakilang Diyos, at dakilang Hari sa lahat ng mga diyos.

⁴ Nasa kanyang kamay ang mga kalaliman ng lupa, ang mga kataasan ng mga bundok ay kanya rin.

⁵ Ang dagat ay kanya, sapagkat ito'y kanyang ginawa, ang kanyang mga kamay ang lumikha ng tuyong lupa.

⁶ O parito kayo, tayo'y sumamba at yumukod; tayo'y lumuhod sa harapan ng PANGINOON, ang ating Manlilikha!

⁷ Sapagkat siya'y ating Diyos, at tayo'y bayan ng kanyang pastulan, at mga tupa ng kanyang kamay. Ngayon kung inyong papakinggan ang kanyang tinig,

⁸ huwag ninyong papagmatigasin ang inyong puso, gaya sa Meriba, gaya ng araw sa ilang sa Massah,

⁹ nang tuksuhin ako ng mga magulang ninyo, at ako'y subukin, bagaman nakita na nila ang gawa ko.

¹⁰ Apatnapung taong kinamuhian ko ang lahing iyon, at aking sinabi, "Bayan na nagkakamali sa kanilang puso, at hindi nila nalalaman ang aking mga daan."

¹¹ Kaya't sa aking galit ako aysumumpa, na "Sila'y hindi dapat pumasok sa aking kapahingahan.'"