Read Ang Bagong Ang Biblia Isaiah 12 Bible Online

Isaiah 12 - Ang Bagong Ang Biblia bible

Isaiah 12

¹ At sa araw na iyon ay iyong sasabihin, "Ako'y magpapasalamat sa iyo, O PANGINOON, bagaman ikaw ay nagalit sa akin, ang iyong galit ay napawi, at iyong inaaliw ako.

² "Ang Diyos ay aking kaligtasan; ako'y magtitiwala, at hindi ako matatakot sapagkat ang PANGINOONG Diyos ay aking kalakasan at awit; at siya'y naging aking kaligtasan."

³ Kaya't kayo'y iigib ng tubig na may kagalakan sa mga balon ng kaligtasan.

⁴ At sa araw na iyon ay inyong sasabihin, "Magpasalamat kayo sa Panginoon, kayo'y tumawag sa kanyang pangalan, ipaalam ninyo ang kanyang mga gawa sa mga bansa, ipahayag ninyo na ang kanyang pangalan ay marangal.

⁵ "Umawit kayo sa PANGINOON; sapagkat siya'y gumawang may kaluwalhatian, ipaalam ito sa buong lupa.

⁶ Sumigaw ka at umawit nang malakas, ikaw na naninirahan sa Zion, sapagkat dakila ang Banal ng Israel na nasa gitna mo."