Read Ang Bagong Ang Biblia Numbers 7 Bible Online

Numbers 7 - Ang Bagong Ang Biblia bible

Numbers 7

¹ Nang araw na matapos itayo ni Moises ang tabernakulo, at mabuhusan ng langis at maitalaga, pati ang lahat ng kasangkapan niyon, ang dambana at ang lahat na kasangkapan niyon, at mabuhusan ng langis at maitalaga ang mga iyon,

² ang mga pinuno ng Israel, ang mga pinuno ng mga sambahayan ng kanilang mga ninuno, ang mga pinuno sa mga lipi, na mga namamahala roon sa nabilang ay naghandog.

³ Kanilang dinala ang kanilang handog sa harap ng PANGINOON, anim na karitong may takip, at labindalawang baka; isang kariton sa bawat dalawa sa mga pinuno, at sa bawat isa'y isang baka; at kanilang inihandog ang mga iyon sa harapan ng tabernakulo.

⁴ At nagsalita ang PANGINOON kay Moises, na sinasabi,

⁵ "Tanggapin mo ang mga ito mula sa kanila, upang ang mga ito'y magamit sa paghlingkod sa toldang tipanan, at ibigay mo sa mga Levita, sa bawat lalaki ang ayon sa kanya-kanyang paglilingkod."

⁶ At tinanggap ni Moises ang mga kariton at ang mga baka at ibinigay sa mga Levita.

⁷ Dalawang kariton at apat na baka ang ibinigay niya sa mga anak ni Gershon, ayon sa kanilang paglilingkod.

⁸ Apat na kariton at walong baka ang kanyang ibinigay sa mga anak ni Merari, ayon sa kanilang paglilingkod, sa ilalim ng pamamahala ni Itamar na anak ng paring si Aaron.

⁹ Ngunit sa mga anak ni Kohat ay wala siyang ibinigay, sapagkat iniatas sa kanila ang pangangalaga sa mga banal na bagay na kailangang pasanin sa kanilang mga balikat.

¹⁰ Ang mga pinuno ay naghandog rin ng mga alay para sa pagtatalaga ng dambana nang araw na ito ay buhusan ng langis; ang mga pinuno ay naghandog ng kanilang alay sa harap ng dambana.

¹¹ Sinabi ng PANGINOON kay Moises, "Sila'y maghahandog ng kanilang alay, isang pinuno bawat araw para sa pagtatalaga ng dambana."

¹² At ang naghandog ng kanyang alay nang unang araw ay si Naashon na anak ni Aminadab sa lipi ni Juda.

¹³ Ang kanyang alay ay isang pinggang yari sa pilak, na ang bigat niyon ay isandaan at tatlumpung siklo, isang mangkok na gawa sa pilak na ang bigat ay pitumpung siklo ayon sa siklo ng santuwaryo; parehong puno ng piling butil na hinaluan ng langis, bilang handog na butil;

¹⁴ isang gintong sandok na ang bigat ay sampung siklo, na puno ng insenso,

¹⁵ isang batang toro, isang lalaking tupa, isang korderong lalaki na isang taong gulang, na handog na sinusunog;

¹⁶ isang lalaki sa mga kambing na handog pangkasalanan.

¹⁷ At para sa hain na mga handog pangkapayapaan ay dalawang baka, limang tupang lalaki, limang kambing na lalaki, at limang korderong lalaki na isang taong gulang. Ito ang alay ni Naashon na anak ni Aminadab.

¹⁸ Nang ikalawang araw, si Natanael na anak ni Suar, na pinuno ng Isacar ay naghandog.

¹⁹ Ang kanyang inihandog na alay ay isang pinggang yari sa pilak na ang bigat ay isandaan at tatlumpung siklo, isang mangkok na yari sa pilak na ang bigat ay pitumpung siklo, ayon sa siklo ng santuwaryo; kapwa puno ng piling harina na hinaluan ng langis, bilang handog na butil;

²⁰ isang sandok na yari sa ginto na ang bigat ay sampung siklo, na puno ng insenso;

²¹ isang batang toro, isang lalaking tupa, isang korderong lalaki na isang taong gulang, na handog na sinusunog;

²² isang lalaki sa mga kambing na handog pangkasalanan.

²³ At para sa hain na mga handog pangkapayapaan ay dalawang baka, limang lalaking tupa, limang kambing na lalaki, at limang korderong lalaki na isang taong gulang. Ito ang alay ni Natanael na anak ni Suar.

²⁴ Nang ikatlong araw ay si Eliab na anak ni Helon, na pinuno sa mga anak ni Zebulon.

²⁵ Ang kanyang alay ay isang pinggang yari sa pilak, na ang bigat niyon ay isandaan at tatlumpung siklo, isang mangkok na yari sa pilak na ang bigat ay pitumpung siklo, ayon sa siklo ng santuwaryo na parehong puno ng piling harina na hinaluan ng langis bilang handog na butil;

²⁶ isang sandok na yari sa ginto na ang bigat ay sampung siklo, na puno ng insenso;

²⁷ isang batang toro, isang tupang lalaki, isang korderong lalaki na isang taong gulang, na handog na sinusunog;

²⁸ isang lalaki sa mga kambing na handog pangkasalanan.

²⁹ At para sa hain na mga handog pangkapayapaan ay dalawang baka, limang tupang lalaki, limang kambing na lalaki, at Limang korderong lalaki na isang taong gulang. Ito ang alay ni Eliab na anak ni Helon.

³⁰ Nang ikaapat na araw ay si Elisur na anak ni Sedeur, na pinuno sa mga anak ni Ruben.

³¹ Ang kanyang alay ay isang pinggang yari sa pilak, na ang bigat niyon ay isandaan at tatlumpung siklo, isang mangkok na yari sa pilak na ang bigat ay pitumpung siklo, ayon sa siklo ng santuwaryo; kapwa puno ng piling harina na hinaluan ng langis, bilang handog na butil;

³² isang sandok na yari sa ginto na ang bigat ay sampung siklo, na puno ng insenso;

³³ isang batang toro, isang lalaking tupa, isang korderong lalaki na isang taong gulang, na handog na sinusunog;

³⁴ isang lalaki sa mga kambing na handog pangkasalanan.

³⁵ At para sa hain na mga handog pangkapayapaan ay dalawang baka, limang tupang lalaki, limang kambing na lalaki, at limang korderong lalaki na isang taong gulang. Ito ang alay ni Elisur na anak ni Sedeur.

³⁶ Nang ikalimang araw ay si Selumiel na anak ni Zurishadai, na pinuno sa mga anak ni Simeon.

³⁷ Ang kanyang alay ay isang pinggang yari sa pilak, na ang bigat niyon ay isandaan at tatlumpung siklo, isang mangkok na yari sa pilak na ang bigat ay pitumpung siklo, ayon sa siklo ng santuwaryo; kapwa puno ng piling harina na hinaluan ng langis, na pinakahandog na butil;

³⁸ isang sandok na yari sa ginto na ang bigat ay sampung siklo, na puno ng insenso;

³⁹ isang batang toro, isang lalaking tupa, isang korderong lalaki na isang taong gulang, na handog na sinusunog;

⁴⁰ isang lalaki sa mga kambing na handog pangkasalanan.

⁴¹ At para sa hain na mga handog pangkapayapaan ay dalawang baka, limang lalaking tupa, limang kambing na lalaki at limang korderong lalaki na isang taong gulang. Ito ang alay ni Selumiel na anak ni Zurishadai.

⁴² Nang ikaanim na araw ay si Eliasaf na anak ni Deuel, na pinuno sa mga anak ni Gad.

⁴³ Ang kanyang alay ay isang pinggang yari sa pilak, na ang bigat niyon ay isandaan at tatlumpung siklo, isang mangkok na yari sa pilak na ang bigat ay pitumpung siklo, ayon sa siklo ng santuwaryo; kapwa puno ng piling harina na hinaluan ng langis bilang handog na butil;

⁴⁴ isang sandok na yari sa ginto na ang bigat ay sampung siklo, na puno ng insenso;

⁴⁵ isang batang toro, isang lalaking tupa, isang korderong lalaki na isang taong gulang, na handog na sinusunog;

⁴⁶ isang lalaki sa mga kambing na handog pangkasalanan.

⁴⁷ At para sa hain na mga handog pangkapayapaan ay dalawang baka, limang lalaking tupa, limang kambing na lalaki, at limang korderong lalaki na isang taong gulang. Ito ang alay ni Eliasaf na anak ni Deuel.

⁴⁸ Nang ikapitong araw ay si Elisama na anak ni Amihud, na pinuno sa mga anak ni Efraim.

⁴⁹ Ang kanyang alay ay isang pinggang yari sa pilak, na ang bigat niyon ay isandaan at tatlumpung siklo, isang mangkok na yari sa pilak na ang bigat ay pitumpung siklo, ayon sa siklo ng santuwaryo; kapwa puno ng piling harina na hinaluan ng langis bilang handog na butil;

⁵⁰ isang sandok na yari sa ginto na ang bigat ay sampung siklo, na puno ng insenso;

⁵¹ isang batang toro, isang lalaking tupa, isang korderong lalaki na isang taong gulang na handog na sinusunog;

⁵² isang lalaki sa mga kambing na handog pangkasalanan.

⁵³ At para sa hain na mga handog pangkapayapaan ay dalawang baka, limang lalaking tupa, limang lalaking kambing, at limang korderong lalaki na isang taong gulang. Ito ang alay ni Elisama na anak ni Amihud.

⁵⁴ Nang ikawalong araw ay si Gamaliel na anak ni Pedasur, na pinuno sa mga anak ni Manases.

⁵⁵ Ang kanyang alay ay isang pinggang yari sa pilak, na ang bigat niyon ay isandaan at tatlumpung siklo, isang mangkok na yari sa pilak na ang bigat ay pitumpung siklo, ayon sa siklo ng santuwaryo; kapwa puno ng piling harina na hinaluan ng langis, bilang handog na butil;

⁵⁶ isang sandok na yari sa ginto na ang bigat ay sampung siklo, na puno ng insenso;

⁵⁷ isang batang toro, isang lalaking tupa, isang korderong lalaki na isang taong gulang, na handog na sinusunog;

⁵⁸ isang lalaki sa mga kambing na handog pangkasalanan.

⁵⁹ At para sa hain na mga handog pangkapayapaan ay dalawang baka, limang lalaking tupa, limang kambing na lalaki, at limang korderong lalaki na isang taong gulang. Ito ang alay ni Gamaliel na anak ni Pedasur.

⁶⁰ Nang ikasiyam na araw ay si Abidan, na anak ni Gideoni, na pinuno sa mga anak ni Benjamin.

⁶¹ Ang kanyang alay ay isang pinggang yari sa pilak, na ang bigat niyon ay isandaan at tatlumpung siklo, isang mangkok na yari sa pilak na ang bigat ay pitumpung siklo, ayon sa siklo ng santuwaryo; kapwa puno ng piling harina na hinaluan ng langis, bilang handog na butil;

⁶² isang sandok na yari sa ginto na ang bigat ay sampung siklo, na puno ng insenso;

⁶³ isang batang toro, isang lalaking tupa, isang korderong lalaki na isang taong gulang, na handog na sinusunog;

⁶⁴ isang lalaki sa mga kambing na handog pangkasalanan.

⁶⁵ At para sa hain na mga handog pangkapayapaan ay dalawang baka, limang lalaking tupa, limang kambing na lalaki, at limang korderong lalaki na isang taong gulang. Ito ang alay ni Abidan na anak ni Gideoni.

⁶⁶ Nang ikasampung araw ay si Ahiezer na anak ni Amisadai, na pinuno sa mga anak ni Dan.

⁶⁷ Ang kanyang alay ay isang pinggang yari sa pilak, na ang bigat niyon ay isandaan at tatlumpung siklo, isang mangkok na yari sa pilak na ang bigat ay pitumpung siklo, ayon sa siklo ng santuwaryo; kapwa puno ng piling harina na hinaluan ng langis, bilang handog na butil;

⁶⁸ isang sandok na yari sa ginto na ang bigat ay sampung siklo, na puno ng insenso;

⁶⁹ isang batang toro, isang lalaking tupa, isang korderong lalaki na isang taong gulang, na handog na sinusunog;

⁷⁰ isang lalaki sa mga kambing na handog pangkasalanan.

⁷¹ At para sa hain na mga handog pangkapayapaan ay dalawang baka, limang lalaking tupa, limang kambing na lalaki, at limang korderong lalaki na isang taong gulang. Ito ang alay ni Ahiezer na anak ni Amisadai.

⁷² Nang ikalabing-isang araw ay si Pagiel na anak ni Ocran, na pinuno sa mga anak niAser.

⁷³ Ang kanyang alay ay isang pinggang yari sa pilak, na ang bigat niyon ay isandaan at tatlumpung siklo, isang mangkok na yari sa pilak na ang bigat ay pitumpung siklo, ayon sa siklo ng santuwaryo; kapwa puno ng piling harina na hinaluan ng langis, bilang handog na butil;

⁷⁴ isang sandok na yari sa ginto na ang bigat ay sampung siklo, na puno ng insenso;

⁷⁵ isang batang toro, isang lalaking tupa, isang korderong lalaki na isang taong gulang, na handog na sinusunog;

⁷⁶ isang lalaki sa mga kambing na handog pangkasalanan.

⁷⁷ At para sa hain na mga handog pangkapayapaan ay dalawang baka, limang lalaking tupa, limang kambing na lalaki, at limang korderong lalaki na isang taong gulang; Ito ang alay ni Pagiel na anak ni Ocran.

⁷⁸ Nang ikalabindalawang araw ay si Ahira na anak ni Enan, na pinuno sa mga anak ni Neftali.

⁷⁹ Ang kanyang alay ay isang pinggang yari sa pilak, na ang bigat niyon ay isandaan at tatlumpung siklo, isang mangkok na yari sa pilak na ang bigat ay pitumpung siklo, ayon sa siklo ng santuwaryo; kapwa puno ng piling harina na hinaluan ng langis, bilang handog na butil;

⁸⁰ isang sandok na yari sa ginto na ang bigat ay sampung siklo, na puno ng insenso;

⁸¹ isang batang toro, isang lalaking tupa, isang korderong lalaki na isang taong gulang, na handog na sinusunog;

⁸² isang lalaki sa mga kambing na handog pangkasalanan.

⁸³ At para sa hain na mga handog pangkapayapaan ay dalawang baka, limang lalaking tupa, limang kambing na lalaki, at limang korderong lalaki na isang taong gulang. Ito ang alay ni Ahira na anak ni Enan.

⁸⁴ Ito ang handog para sa pagtatalaga ng dambana nang araw na ito'y buhusan ng langis ng mga pinuno sa Israel: labindalawang pinggang pilak, labindalawang mangkok na yari sa pilak, labindalawang sandok na ginto,

⁸⁵ na bawat pinggang yari sa pilak ay isandaan at tatlumpung siklo ang bigat, at bawat mangkok ay pitumpu. Lahat ng pilak ng mga sisidlan ay dalawang libo at apatnaraang siklo, ayon sa siklo ng santuwaryo,

⁸⁶ ang labindalawang sandok na yari sa ginto, puno ng insenso na ang bigat ay sampung siklo bawat isa, ayon sa siklo ng santuwaryo; lahat ng ginto ng mga sandok ay isandaan at dalawampung siklo.

⁸⁷ Lahat ng mga baka na handog na sinusunog ay labindalawang toro, ang mga lalaking tupa ay labindalawa, ang mga korderong lalaki na isang taon ay labindalawa, at ang mga handog na harina niyon; at ang mga kambing na lalaki na handog pangkasalanan ay labindalawa.

⁸⁸ Lahat ng mga baka na mga handog pangkapayapaan ay dalawampu't apat na toro, ang mga lalaking tupa ay animnapu, ang mga kambing na lalaki ay animnapu, ang mga korderong lalaki na isang taon ay animnapu. Ito ang alay para sa pagtatalaga sa dambana pagkatapos na mabuhusan ito ng langis.

⁸⁹ Nang si Moises ay pumasok sa toldang tipanan upang makipag-usap sa PANGINOON, narinig niya ang tinig na nagsasalita sa kanya mula sa itaas ng trono ng awa na nasa ibabaw ng kaban ng patotoo, na nasa gitna ng dalawang kerubin; gayon ito nagsalita sa kanya.