Read Angami Naga Keriekitho 10 Bible Online

Keriekitho 10 - Angami Naga bible

Keriekitho 10

¹Hako Noah nuo Shem, Ham mu Jafet nuosenuoyieko Dzüdiu sienu lhoukelie nuonuoko.

²Jafet nuonuoko: Gomer, Magog, Madai, Javan, Tubal, Meshek mu Tiras.

³Gomer nuonuoko: Ashkenaz, Rifat mu Togarma.

⁴Javan nuonuoko: Elisha, Tarshish, Kitim, Rodanim[11].

⁵Uko yieko dzükezha khie mu kijü rüchütsokemo nu lhou keyie vota. Süko Jafet nuosenuoyieko, u die rei kekrei mu u rüna rei kekreita di u seyie chü kekrei tuote.

⁶Ham nuonuoko: Kush, Ijipt, Put mu Kanan.

⁷Kush nuonuoko: Seba, Havila, Subta, Rama mu Sabteka. Rama nuonuoko ro Sheba mu Dedan.

⁸Kush-e Nimrodnuo puou mu puo kijü nu terhümiavi kekuotho chü kerieu.

⁹Jihova mhodzünu puoe chüwhuomia kezha kevi se puo chücü la; süla “Jihova bu n chüpie Nimrod tuoi chüwhuo kevimia puo chüshücie” idi puya.

¹⁰Therieki ro Babel, Erek mu Akad hako pie puo kedirüvie chü, hako seko pete rei Shinar kijü nu ba.

¹¹Puoe kijü sünu nu Asiria nu vo di Ninevi, Rehoboth-ir, Kala chüshü, mu

¹²Ninevi mu Kala unie donu keba Resen, rüna kezhau chüshü.

¹³Ijipt nuonuoko: Ludim, Anamim, Lehabim, Naftuhim,

¹⁴Pathrusim, mu Kasluhim, Filistinmia ha geinu lhou vor, mu Kaftorko.

¹⁵Kanan nuorieu ro Sidon mu süsie Heth.

¹⁶Siro Jebusmia, Amormia, Sirgasmia,

¹⁷Hivmia, Arkmia, Sinmia,

¹⁸Arvadmia, Zemarmia mu Hamathmiako. Kenuotsa seyieko lhou meya se vota.

¹⁹Kananmia kijürie-e Sidon nunu tsu Gerar kevatsa tso, niathutsa ro vo Sodom, Gomora, Adma mu Zeboim siro Lasha ketso.

²⁰Hako Ham nuonuoko, u thuo u die kekrei u rüna kekrei di u seyie chü kekrei se tuoketako.

²¹Shem, Eber nuonuoko pete puou, Jafet dzürieu, puo nuonuo lhoulie.

²²Shem nuonuoko: Elam, Ashur, Arpakshad, Lud mu Aram.

²³Aram nuonuoko: Uz, Hul, Gether mu Mash.

²⁴Arpakshad liro Shela nuo puou mu süue Shela nuo liro Eber.

²⁵Eber puo nuo thepfu kenie nyi; mia puo za Peleg[12], kekreilamonyü puo teiki kijü nu themiako kezakewa la, kekreiu liro Joktan.

²⁶Joktan nuonuoko: Almodad, Shelef, Hazarmavet, Jera.

²⁷Hadoram, Uzal, Diklamia.

²⁸Obal, Abimael, Sheba,

²⁹Ofir, Havila mu Jobab. Uko pete rei Joktan yiemia.

³⁰Uko lhoukecü kijüu liro Mesha nunu niathutsa kijü tsei gei rüna Sefar ketso.

³¹Hako Shem nuosenuoyiemiako, u thuo u die kekrei, u rüna kekrei di u seyie chü kekrei se tuoketako.

³²Themia hako pete rei Noah nuosenuoyie phre, seyie puo sie seyie puo idi u thuo u kelhouro kekrei zaza vota. Dzüdiu sie kijü nu seyie pete rei Noah nuonuoko geinu lhou kevormia phre.