Read Angami Naga Keriekitho 36 Bible Online

Keriekitho 36 - Angami Naga bible

Keriekitho 36

¹Siro hako Esau nuosenuoyieko (Edom ücüu).

²Esau Kananmiapfü liete: Hitmia Edom nuopfü Ada,[57] Hitmia Zibeon nuou Ana nuopfü Oholibama.

³Siro Ishmael nuopfü Basemat, Nebaiot üpfüpfü.

⁴Ada-e Elifaz penuoshü Esau tsü; mu Basemat Reuel penuoshü;

⁵mu Oholibama-e Jeush, Jalam mu Kora penuoshü. Hako Esau nuonuo Kanan kijü nunu penuoshü puo ketsüko.

⁶Süsie Esau sie puo kimiako, puo nuonuoko, puo nuopfüko mu puo kinu tsüphrü peteko puo kiriko, khurinuo pete mu Kanan nunu puo nyaüra ngukelie pete selie di Jakob keba kijüu nunu tuota.

⁷Unie vieko krathor di keze balie suoketa la; siro unie dopuo vor kebachüu unie khuriko la tsata.

⁸Süla Esau Seir kijüthou gei lhouta, Esau sü Edom zo.

⁹Siro hako Seir kijüthou gei Edommia pfutsau Esau seüyieko:

¹⁰Hako Esau nuonuoko za: Esau kimia Ada nuou Elifaz, Esau kimia Basemat nuou Reuel.

¹¹Siro Elifaz nuonuokoe Teman, Omar, Zefo, Gatam mu Kenaz.

¹²(Timna-e Esau nuou Elifaz meshüpfü, mu puo Amalek penuoshü Elifaz tsü.) Hako Esau kimia Ada nuonuoko.

¹³Hako Reuel nuonuoko: Nahath, Zera, Shama mu Miza. Hako Esau kimia Basemat nuonuoko.

¹⁴Siro hakoe Esau kimia, Zibeon nuou Ana nuopfü Oholibama nuonuoko, puo Jeush mu Jalam mu Kora uko penuopie Esau tsü.

¹⁵Hako Esau nuonuo chienuoko[58]: Esau nuo nuorieu Elifaz nuonuoko: chienuoko[59] liro Teman, Omar, Zefo, Kenaz

¹⁶Kora, Gatam mu Amalek: hako Edom kijü nu Elifaz geinu kevor chienuoko[60] we; süko Ada nuonuoko.

¹⁷Hako Esau nuou Reuel nuonuoko chienuoko[61]: Nahath, Zera, Shama mu Miza; hako Edom kijü nu Reuel gei kevor chienuoko[62]; mu Esau kimia Basemat nuonuoko.

¹⁸Siro hako Esau kimia Oholibama nuonuoko chienuoko[63]: Jeush, Jalam mu Kora; hako Esau kimia Ana nuopfü Oholibama geinu kevor chienuoko[64].

¹⁹Hako Esau (süu Edom) nuonuoko mu hako uko chienuoko[65].

²⁰Hako sünu kelhoumia Hormia Seir nuonuoko: Lotan, Shobal, Zibeon, Ana,

²¹Dishon, Ezer mu Dishan; hako Hormia chienuoko[66]: Edom kijü nu Seir nuonuo.

²²Lotan nuonie liro Hori mu Heman; mu Lotan üpfüe Timna.

²³Hako Shobal nuonuoko: Alvan, Manahat, Ebal, Shefo mu Onam.

²⁴Hako Zibeon nuonuoko: Aia mu Ana; Ana ha puo puo gadako theke di rayha nu ketuo ki dzüluoko pfhükelieu.

²⁵Hako Ananuonuoko: Dishon mu Ana nuopfü Oholibama.

²⁶Hako Dishon nuonuoko: Hemdan, Eshban Ithran mu Keram.

²⁷Hako Ezer nuonuoko: Bilhan, Zavan mu Akan.

²⁸Hanie Dishan nuonie: Uz mu Aran.

²⁹Hako Hormia chienuoko[67]: Lotan, Shobal, Zibeon, Anah.

³⁰Dishon, Ezer, Dishan; hako Hormia chienuoko[68], Seir kijü nu uko chienuo[69] medzi di lekeshü.

³¹Hako Israelmia mho kedi puorei dikecü mhodzü Edom kijü nu kedi kechüko.

³²Beor nuou Bela Edom nu kedi chü mu puo rüna nadiu za Dinhaba.

³³Bela siata, sitse Bozra Zera nuou Jobab puo sou nu kedi chü.

³⁴Jobab siata, Tamanmia kijü nunu kevor Husham puo sou nu kedi chü.

³⁵Siro Husham siata, Bedad nuou Hadad, Moab kijü nu Midian penyükewau, puo sou nu kedi chü; mu puo nadiu za Avith.

³⁶Hadad siata, mu Masrekamia Samla puo sou nu kedi chülie.

³⁷Samla siata, mu Eufrat nu Rehobothmia Saul puo sou nu kedi chü.

³⁸Saul siata, sitse Akbor nuou Baal-hanam puo sou nu di.

³⁹Süsie Akbor nuou Baal-hanam siata; Hadar puo sounu kedi chü, mu puo nadiu za Pau; puo kimia za Mehetabel puo zuoe Matred, mu süpfüe Me-zahab nuopfü.

⁴⁰Esau geinu kevor chienuoko[70] za; uko kinumia mu uko lhou kevor thechüko, mu uko zako medzi di chienuoko[71] hako: Timna, Alva, Jethet;

⁴¹Oholibama, Ela, Pinon,

⁴²Kenaz, Teman, Mibzar,

⁴³Magdiel mu Iram; hako Edom chienuoko[72]; (süu Esau, Edom puou), uko kelhou thechü mu u vieko lekeshü medzi di.