Read Angami Naga Keriekitho 5 Bible Online

Keriekitho 5 - Angami Naga bible

Keriekitho 5

¹Hauha Adam nuosenuoyieko dze thupieketuoko, Ukepenuopfüe themia[9] chükeshü nhie, puo uko chüshü [10] puo thuo puo rhi mhie di uko chüshü.

²Puo thepfumia mu thenumia chüshü, japie unie tsüshü di unie üse “Themia” idi kielie.

³Adam-e cie krie puo di serketa ki puo nuo thepfumia puo rhi mhiekecü puo ngulie di puo za thopie Seth chülie.

⁴Hasie nu Adam-e cie krie thetha sa lhoulie mu puo nuo kekrei thepfu mu thenu rei lhou salie.

⁵Adam-e cie krie thepfü di ser lhoulie di siata.

⁶Siro Seth puo kelhouzha krie puo di pengou ki puo nuou Enosh ngulie.

⁷Mu Enosh lhoukelie sie puoe cie krie thetha di thenie lhou salie. Süsie puo nuo kekrei thepfu mu thenu rei lhou salie.

⁸Seth teicie krie thepfü di kerekenie lhoulie di siata.

⁹Enosh-e puo kelhouzha cie hiethepfüketa ki puo Kenan puou chülie.

¹⁰Süsie puoe cie krie thetha di kerepengou lhou salie. Mu puo nuo kekrei thepfu mu thenu rei ngu salie.

¹¹Enosh-e cie krie thepfü lhoulie di siata.

¹²Kenan-e puo kelhouzha cie hiethenie keta ki puoe Mahalalel ngulie.

¹³Süsie rei puoe cie krie thetha lhou salie. Mu puo nuonuo kekrei thepfu mu thenu rei ngu salie.

¹⁴Kenan cie krie thetha di hiethepfüepengou lhoulie di siata.

¹⁵Mahalalel-e puo kelhouzha cie hiesorouepengou ki puo nuou Jared ngulie.

¹⁶Süsie rei puoe cie krie thetha di ser lhou salie. Mu puo nuo kekrei thepfu mu thenu rei ngu salie.

¹⁷Mahalalel-e cie krie thetha di hiethepfüepengou lhoulie di siata.

¹⁸Jared-e puo kelhouzha cie krie puo di hiesorouekenie ki puo nuou Inok ngulie.

¹⁹Süsie rei puoe cie krie thetha lhou salie. Mu puo nuo kekrei thepfu mu thenu rei ngu salie.

²⁰Puo kelhouzha cie krie thepfü di hiesorouekenie ki siata.

²¹Inok-e puo kelhouzha cie hiesorouepengou ki puo nuou Methusela lhoulie.

²²Siro Inok-e Methusela lhoukelie sie teicie krie se Ukepenuopfü ze tuo, mu puo nuo thenu mu thepfu kekrei rei ngu salie.

²³Inok kelhouzha pete kesa cie krie se di hiesorouepengou.

²⁴Inok-e Ukepenuopfü ze tuo, di süsie puo ngu sa mota, kekreilamonyü Ukepenuopfüe puo zelieketa la.

²⁵Methusela-e puo kelhouzha cie krie puo di hiethethaethenie keta ki puo nuou Lamek lhoulie.

²⁶Lamek lhoukelie sie rei Methusela-e cie krie thenie di hiethethaekenie lhou salie. Mu puo nuo kekrei thenu mu thepfu rei ngu salie.

²⁷Methusela kelhou pete kesa cie krie thepfü di hiesorouethepfü, sidi puo siata.

²⁸Lamek-e puo kelhouzha cie krie puo di hiethethaekenie keta ki puo nuo thepfu puo ngulie.

²⁹Sitse puoe sie, “Jihova thuo rüsekewa kijü hau geinu, nuo hau bu u mhatho kere nunu kerülei se vor u tsütuo,” idi puo za thopie Noah chülie.

³⁰Lamek-e teicie krie pengou di hiethepfüepengou lhou salie. Mu puo nuo kekrei thenu mu thepfu rei ngu salie.

³¹Lamek kelhouzha pete cie krie thenie di hietheniethenie, sidi puo siata.

³²Noah-e puo kelhouzha cie krie pengou keta sie nu puo nuo se, Shem, Ham mu Jafet ngulie.