Read Angami Naga Keriekitho 8 Bible Online

Keriekitho 8 - Angami Naga bible

Keriekitho 8

¹Ukepenuopfüe Noah mu puo ze rou nu ketuo nhachüko pete, perinuo pete rükralie sidi puo teikhrie puo chüpie kijüu gei rükrie vorshü tse dzüu rükre keta.

²Kijüu gei dzüluo kesouko mu teigei dzü khirkiko khawata. Tei rei rü sa mota.

³Süsie zha krie puo di hiepengou ketso dzüu rükre miemie tsuta.

⁴Sidi khrü thenieu khrü zha kerethenie nhie rou-u tsu Ararat kijüthou ro-u gei kijüthou puo gei bata.

⁵Mu khrü ker-u ketso dzüu rükre miemiezhü, sidi khrü ker-u khrü zha puo nhie kijüthou züko ngu parta.

⁶Zha hiedia sie Noah rou-u gei keziekou puo khrüshü,

⁷di shüzha puo pepruoshü mu dzüu rükre tseita kemochie pruo rühou tuota.

⁸Süsie Noah-e kijü zieu gei dzüu sotazhü mo mo shikecü mehoketuo la mekhru puo pepruo lashü.

⁹Derei dzüko kijüko zepfü ba zokecü la mekhruu ba thusekelie chü ngulie mo di pruo la rou-u pfhü vorta. Mu Noah-e puo dzie yhase pra mekhruu pielie di se rouu nu lerta.

¹⁰Zha thenie sie puo rou-u geinu mekhru-u pepruo lashü.

¹¹Mu harie, sünhie thevatie mekhru-ue Oliv nyü kerhei puo medupie puo ki vor. Süla Noah-e dzüu sotakezhü silie.

¹²Puoe zha thenie ba lalie di mekhru-u ketse lashü, ru süuva süu la vor mota.

¹³Noah-e cie krie sorou di puo keta ki thekhrü kerieu nu zha puo nhie kijüu gei dzüko sota. Sitse Noah-e rou keyau biewa, di mha mehoshü, ru kijüu sotazhükecü ngulie.

¹⁴Khrü kenieu khrü zha mepfüethenie nhie kijüu sota.

¹⁵Sitse Ukepenuopfüe Noah ki,

¹⁶“N kimia, n nuonuoko mu uko nupfünuoko ze di rou-u nunu tuo parlie.

¹⁷N zeketuo kerheiro kenyi khe mu kijü gei gouketuo khe ze parlie, uko bu kijüu gei kruolie mu kralieketuo la,” sishü.

¹⁸Sitse Noah-e rou-u nunu puo kimia, puo nuonuoko mu uko nupfünuoko ze parlie.

¹⁹Khunuo pete kijü gei gouketuo khe mu perako pete rei u thuo u kro-u ze phre di rou-u nunu chazou prata.

²⁰Sitse Noah-e Jihova la ruosuoba puo chülie, sidi nhachü mu pera kemesa kheko nunu se vo kethe ruosuobau geinu ruosuo chüshü.

²¹Jihovae ruosuo rekeviu puo neilie di puo nou nu, “Cüsie a themia la kijüu rüse sa lhote, puo sü puo nhicu nunu puo noudoko suo zeru. Mhakipuorei a tsieu va chükeshü tuoi kerheiro pete peka salie lhote.

²²“Kijüu kebachie, tsia keva mu lieyie tei ba zotuo. Kemeku mu kele, teile mu teisei, teiso mu teizei bu jütalie lho,” sita.