Read Angami Naga Keriekitho 9 Bible Online

Keriekitho 9 - Angami Naga bible

Keriekitho 9

¹Siro Ukepenuopfüe japie Noah mu puo nuonuoko tsü di uko üse, “Kruolie mu kralie di kijüu ketshu chülie.

²Khunuo pete, teira pete mu khuoko rei pete n prei mu michie di lhoutuo. Hako pete rei pie n dzie nu shüwate ho.

³A gakepejo kheko se n ketsü tuoi, lhouketuo kemele khe bu n ca chütuo. A mha pete pie n tsüwate.

⁴Derei no puo zie sa di themuo puorei cülie lho, thezie nu kerheiro bacü la.

⁵Themia kehoupuorei mia kerheiro pevowa ro siazha pie u tsütuo, mu khunuo kehoupuorei themia kerheiro liewa ro kesia se pejo zotuo.

⁶“Ukepenuopfüe puo thuo puo rhi nunu themia chükeshü la, kehoupuorei mia dukhriwa ro mia bu puo dukhri latuo.

⁷No kruokelieu chülie, n bu kekrau chü di kijüu ketshu chü lhoutuo” sishü.

⁸Ukepenuopfüe Noah mu puo nuonuoko ki pu sa di,

⁹“Harie, a tsie nieko mu nieko nuosenuoyieko ze dietseidiekho puo pie bashüzhie ho,

¹⁰tsiu u kerheiro kenyi khe perako, kiriko mu kijü nu nhachü pete nieko ze di rou-u nunu parkelieko.

¹¹A nieko ze a dietseidiekho-u chüliete, mhakipuorei dzü bu di la sier u chü chükepfü khe peka lalie lho, mu mhakipuorei dzü bu di la sier kijü peka salie lhote” si.

¹²Mu Ukepenuopfüe sie “A mu nieko siro kerheiro kenyi khe ze dietseidiekhokelie hau vorketuo phou pete la zasi puo chütuo.

¹³A pfhesei pie kimhou gei shüzhie, süu se a mu kijüu donu kediekhokelie zasiu chütuo.

¹⁴Kehoupuorei ae kimhou shüpie teiu zeshü mu pfhesei jaketa ngu ro,

¹⁵ae dzü bu di sier u chü chükepfü khe pete pekawa lhoü a mu nieko tsiu kerheiro kenyi khe donu kediekhokelieu rükralietuo.

¹⁶Pfheseiu kimhou nu ja par tse, a süu meho di a mu kijüu gei lhouketuo u chü chükepfü pete ze diekhokelieu rükralietuo” si.

¹⁷Ukepenuopfü Noah ki, “Hauha a mu kijüu nu, pete donu diekhokelie zasiu zo” si.

¹⁸Noah nuonuo rou nunu parkelieko liro Shem, Ham mu Jafet. Ham ro Kanan puou.

¹⁹Noah nuonuo hako geinu kijü nu themia pete lhou vor.

²⁰Noah-e lieciemia puo, puoe khube lie cie kerietho-u.

²¹Noah khubezu huo krielie di mezeta, mu puo pfhenei se mo di pfheki nu zhü.

²²Ham, Kanannuo puou puo puo methuokezhü ngu tse, pra puo dzürienie ki pushü.

²³Sitse Shem mu Jafet unie pfhe puo chüpie unie bouka gei shülie di tuo pesie pfheki nu le di unie puou kemethuo whewa, puo kemethuo ngu moketuo la unie zie kereilie.

²⁴Noah mecie lalie di puo nuo nhicutho-u puo gei kedipuo chüshü shikecü silie tse,

²⁵Puoe, “Kanan bu rüse kepfüu chücie; Puoe puo dzürienie diemia chütuo” si.

²⁶Puoe pu sa di, “Ukepenuopfü Jihova bu japie Shem ketsüu chücie; mu Kanan-e puo kituo chücie:

²⁷Ukepenuopfü bu Jafet chü pekrashücie, puose puoyie bu Shem themiako ze lhou tuokelie chücie! Mu Kanan bu Jafet kituo chücie” iwa.

²⁸Dzüdiu sie Noah-e cie krie se di hiepengou lhou salie,

²⁹di puo kelhouzha cie krie thepfü di hiepengou ki siata.