Read Angami Naga Samuel Kenieu 16 Bible Online

Samuel Kenieu 16 - Angami Naga bible

Samuel Kenieu 16

¹Siro David-e kijüthou mezüu tse za volie tse, Mefibosheth kituou Ziba vor puo ze kese, puoe gada keniekese se mha tou pfütuo, mu süko gei niekhrüda krie kenie, chiedesi phro krie puo, teile nhasi krie puo mu khubedzüpou puo setuo.

²Sitse kediu sie Ziba ki, “No kiüdi mha hako se vor ga?” ishü. Sitse Ziba sie, “Gadako liro kediu kinumiako bu seketuo la, niekhrüda mu teile nhasiko liro khriesako bu cüketuo la, mu khubedzü liro rayha nu phisiataketuoko bu krieketuo lalie” sishü.

³Sitse kediu sie, “Siro n niepuu nuou kirapuo ba ga?” sishü. Ziba sie kediu ki, “Puoe Jerusalem nu bate, kekreilamonyü puoe sie, ‘Thie Israel kiue a puotsa kedirüvie kha lapie a tsütuo’ siyalie” sishü.

⁴Sitse kediu sie Ziba ki, “Mefibosheth vieko pete sü tsie we n viete” sishü. Sitse Ziba sie, “A rünuo tsu n keluzhie; a bu n mhodzünu n neiu chüliecie, a niepuu kediu” sishü.

⁵Siro kediu David-e Bahurim ki vor tse, Saul kinumia puo vor, puo zae Shimei, Gera nuou, puoe tuo vor chakhrie mia rüpfhürüsetuo.

⁶Sidi puoe ketsie kelhou pie David tsiu kediu kituoko pete pe; siro themia pete tsiu terhümiavimia pete puo zatsa mu puo vitsa tha.

⁷Shimei-e shie chakhrie rüse di, “Parliecie! Parliecie! mia kedukhriu! kejokemou-u!

⁸Jihova kinumia zie pekrukewa pete la khepu se nie pete gei vorshütuo, no puo sounu kedi chüwate; siro Jihovae kedibau pie n nuou Absalom dzienu shüwate. Harie, kepekae n teshü sebate, kekreilamonyü noe thezie pekrukecü themia puo” situo.

⁹Sitse Zeruia nuou Abishai sie kediu ki, “Kiüdi tefü kesia hau bu a niepuu kediu rüsetuo ga? A bu puo ki vo di puo tsü ziewacie!” sita.

¹⁰Derei kediu sie, “Nie Zeruia nuonuoko, a nieko se kedipuo chü ta? Kekreilamonyü mhanuü Jihova puo bu mia rüpfhürüsetuoü di puo ki, ‘David rüsewalie’ ita liro supuonie sie, ‘No kiüdi hakemhie chüya ga?’ isilie kenjü” isishü.

¹¹Sitse David sie Abishai mu puo kituo pete ki, “A nuou thuo a kerheiro pfhü bate, di siliro Benjaminko we hakezie rei mia rüpfhürüse balie; kekreilamonyü Jihovae puo bu silienushüwate.

¹²Jihovae a kemezhiekecü[30] mehoshücie, sidi puo thie a rüpfhürüsekecü hau la Jihova mha kevi se a tsü rei silie lho mu” sita.

¹³Süla David mu puo themiako cha nu tuo vozhü, mu Shimei rei uko petsou di kijüthou lu tsatie vozhü, tsiu puoe tuo chakhrie mia rüpfhürüse; ketsie kelhou pie puo thuo puo pe, tsiu nyophe kelhou pie puo geishü ituo.

¹⁴Siro kediu mu puo zeketuo themia pete vor Jordan tsokelie ki mezie tuota, süla puo sünunu rüleilie.

¹⁵Siro Absalom mu Israelmia pete[31] Jerusalem nu vorlie; Ahithofel-e puo zetuo.

¹⁶Siro David khrietho-u Arkitmia Hushai-e Absalom ki vor di sie, “Kediu bu rhei kechau chülie! Kediu bu rhei kechau chülie!” sishü.

¹⁷Sitse Absalom sie Hushai ki, “Hauha n zemia gei n tsei n vi thakeshüu me? Kiüdi no n zeu ze vo mo ga?” sishü.

¹⁸Sitse Hushai sie Absalom ki, “Molie, derei Jihova mu themia hako tsiu Israelmia pete supuo kedalietie shiü, a rei süu nu tuo, mu a puo ze tuotuo.

¹⁹Sizomoü, a bu supuo lie chütuo ga? Süu puo nuou moü me? A n puo lie chükecü tuoi, sütuoi a n lie chütuo” sishü.

²⁰Sitse Absalom sie Ahithofel ki, “N ketarho die se hie ki pushülie; hie bu kedipuo chütuo ga?” sishü.

²¹Sitse Ahithofel sie Absalom ki, “N puo pelipfüko, puoe khapie ki pfhe bakecüko ki nu lecie, sitse Israel pete-e noe n puo ngumecükecü silietuo, silie ro themia n kitsa ketuo pete dzie meteilietuo” sishü.

²²Süla ukoe Absalom la kiu mhogeinu pfheki puo pethushü, sidi Absalom-e Israel pete mhodzünu puo puo pelipfüko kinu le.

²³Süki Ahithofel ketarho die-e, miapuoe Ukepenuopfü kinu mha[32] ketsokelie mhieta zo; süla Ahithofel tarhokecü diekoe David ki rei mu Absalom kirei vita.