Read Angami Naga Seyiedze Kerieu 14 Bible Online

Seyiedze Kerieu 14 - Angami Naga bible

Seyiedze Kerieu 14

¹Hiram, Tur kediu dieliemia mu uko sa di sedar sei, ketsie mu sei mistiriko bu puo ki chüketuo la ketsepie David kishü.

²Sitse David-e Jihova puo bu Israel mho kedi chüketuo chüshüketa, mu puo themia Israelko la puo kedi chü pezhakeshü ngulie.

³David-e Jerusalem nu thenu lie salie mu David-e puo nuo thepfumia mu thenumia ngu salie.

⁴Puo Jerusalem nunu ngukelie nuonuoko: Shammua, Shobab mu Nathan, Solomon,

⁵Ibhar, Elishua mu Elpelet;

⁶Noga, Nefeg mu Jafia;

⁷Elishama, Biliada mu Elifelet.

⁸Filistinkoe David kenhepie puo bu kedi chütatuoükecü silie tse, Filistinko pete David pfhükho, mu David süu silie di uko petsou par.

⁹Filistinko vor di Refaim razha nu tshu balie,

¹⁰Sitse David Kepenuopfü ketso di sie, “A bu kho Filistinko perhie tuo me? No uko khapie a dzienu shü tuo me?” si. Sitse Jihova sie puo ki, “Kholie, a süko pie n dzie nu shüshütuo” si.

¹¹Süla puoe Baal-perazim nu kho, mu David-e uko penyülie. Sitse David sie, “Kepenuopfüe a dzie se di a ngumvümia bietshebietshashüte[28], dzüdi bu pfüphakeshü tuoi” sita. Süla thechü sü zapie Baal-perazim chüwa.[29]

¹²Uko rhuoko süki nu vawa, mu David diekhashü di süko thewa.

¹³Filistinkoe razhau nunu miawhuo la vor.

¹⁴Süla David-e Kepenuopfü ketso la, sitse Kepenuopfü sie, “No uko sie kholie, whi vo di khrabvü boko kepetsoutsa nu uko va lerliecie.

¹⁵Nieko khrabvüboko tsü geinu mia chatuo pfhe sikelie ki kegeituoü kholie; Filistin chüpahiko biewaketuo la Ukepenuopfü n mhodzü vote” sita.

¹⁶David-e Ukepenuopfü puo ki kepuu chülie, mu Gibeon nunu vo Gezer ketso Filistin chüpahi biewa.

¹⁷Kijü pete nu David meyie prata, mu Jihova seyie pete bu puo preiketa chüshü.