Read Angami Naga Seyiedze Kerieu 2 Bible Online

Seyiedze Kerieu 2 - Angami Naga bible

Seyiedze Kerieu 2

¹Hako Israel nuonuoko: Reuben, Simeon, Levi, Juda, Isakar, Zebulun,

²Dan, Josef, Benjamin, Naftali, Gad mu Asher.

³Juda nuonuoko: Er, Onan mu Shela; mia se hako Kananmiapfü Bath-shua penuoshü puo tsü. Siro Juda nuo nuorieu Er-e Jihova mhingu ki mhakesuo chü, süla puoe puo dukhriwa.

⁴Siro puo miapfü Tamar-e Perez mu Zera penuoshü puo tsü. Juda nuo thepfumia mia pengou.

⁵Perez nuoko: Hezron mu Hamul.

⁶Zera nuoko: Zimri, Ethan, Heman, Kalkol mu Dara pete kesa mia pengou.

⁷Karmi nuoko: Israel bu puo la kemezhiekelieu, mha chü kemesakewa vieko bie perhukeshüu Akar,

⁸mu Ethan nuou Azaria.

⁹Nuo penuoshü Hezron ketsüko: Jerahmil, Ram mu Kelubai.

¹⁰Ram-e Aminadab puou mu Aminadab-e Nahshon puou, Juda nuoko kediu.

¹¹Nahshon-e Salma puou, mu Salmae Boaz puou.

¹²Boaz Obed puou, mu Obed-e Jese puou.

¹³Jese nuoko, nuorieu Eliab kenieu Abinadab, seu Shimea,

¹⁴diau Nethanel, pengouu Radai,

¹⁵sorouu Ozem, thenieu David;

¹⁶mu uko üpfü nie liro Zeruia mu Abigail. Zeruia nuonuoko: Abishai, Joab mu Asahel; mia se.

¹⁷Abigail-e Amasa penuolie mu Amasa puoue Jether Ishmaelmia.

¹⁸Hezron nuou Kaleb, puo kimia Azuba mu Jerioth geinu lhoukelie puo nuo thepfumia hako: Jesher, Shobab mu Ardon.

¹⁹Azuba siata tse, Kaleb-e Efrat lielie, süpfüe Hur penuoshü puo tsü.

²⁰Hur Uri puou mu Uri-e Bezalel puou.

²¹Kenuotsa Hezron-e Gilid nuo puo Makir nuopfü ki vo, puo cie hiesorou keta ze süpfü lielie, mu süpfü Segub penuoshü puo tsü.

²²Segub-e Jair puou, mu süu Gilid kijü nu rüna mepfüese puo vie.

²³Derei Geshur mu Aram unie-e sünunu Havot-jair mu Kenath siro süko rünako, rüna hiesorou lielieta. Hako pete Gilid nuo puou Makir nuosenuoyieko vie phre.

²⁴Hezron se sie, Kaleb-efratha, Hezron kimiapfü Abija-e Tekoa nuo puou Ashur penuoshü puo tsü.

²⁵Hezron nuorieu Jerahmil nuonuoko: nuorieu Ram, süsie Buna, Oren, Ozem mu Ahija,

²⁶Jerahmil puo kimia kekreipfü puorei nyi, puo zae Atara, hapfü Onam zuopfü.

²⁷Jerahmil nuorieu Ram nuonuoko: Maaz, Jamin mu Eker.

²⁸Onam nuonuoko: Shamai mu Jada. Shamai nuonuoko: Nadab mu Abishur.

²⁹Abishur kimiapfü za Abihail, mu hapfüe Ahban mu Molid penuoshü puo tsü.

³⁰Nadab nuonuoko: Seled mu Apaim, mu Seled-e puo nuo jü di siata.

³¹Apaim nuou[6] Ishi: Ishi nuou[7] Sheshan: Sheshan nuou[8]: Ahlai.

³²Shamai siezeu Jada nuonuoko: Jether mu Jonathan; mu Jether-e puo nuo jü di siata.

³³Jonathan nuonuoko: Pelet mu Zaza. Hako Jerahmil nuosenuoyieko.

³⁴Sheshan puo nuo thenumia sie thepfumia jü; derei Sheshan puo die Ijiptmia puo nyi, puo zae Jarha.

³⁵Süla Sheshan puo nuopfü pie puo dieu Jarha ki penyishü; mu süpfüe Atai penuoshü puo tsü.

³⁶Atai-e Nathan puou, mu Nathan-e Zabad puou.

³⁷Zabad-e Eflal nuo puo, mu Eflal-e Obed puou.

³⁸Obed Jehu puou, mu Jehu-e Azaria nuo puo.

³⁹Azaria liro Helez puou, mu Helez Elisa puou.

⁴⁰Elisa ro Sismai puou, mu Sismai liro Shalum puou.

⁴¹Shalum-e Jekamia puou, mu Jekamia-e Elishama puou.

⁴²Jerahmil dzürieu Kaleb nuonuoko: Nuorieu, Mesha[9], Zif nuo puou, Hebron nuo puou Maresha nuonuoko.

⁴³Hebron nuonuoko: Kora, Tapua, Rekem mu Shema.

⁴⁴Shema Raham nuo puou, Jorkim puo tsau; mu Rekem-e Shamai nuo puou.

⁴⁵Shamai nuou: Maon; mu Maon-e Beth-zur nuo puou.

⁴⁶Efa, Kaleb pelipfü pfü rei Haram, Moza mu Gazez penuoshü puo tsü mu Haram-e Gazez nuo puou.

⁴⁷Jahdai nuonuoko: Regem, Jotham, Geshan, Pelet, Efa mu Shaf,

⁴⁸Maka, Kaleb pelipfü pfü Sheber mu Tirhana penuoshü.

⁴⁹Hapfüe Shaf Madmanna nuo puou. Sheva Makbena puou. Mu Gibia puou hako rei penuoshü; mu Kaleb nuopfü zae Aksa.

⁵⁰Hako Kaleb nuosenuoyieko: Efratha nuorieu Hur nuonuoko: Shobal-e Kiriat-jearim nuo puou.

⁵¹Salma-e Bethlehem nuo puou, mu Haref-e Beth-gader nuo puou.

⁵²Shobal Kiriat-jearim nuo puou puo nuo kekrei rei nyi: Haroeh mu Menuhoth tietsa puo.

⁵³Siro Kiriat-jearim kinuko: Ithritko, Puthko, Shumatko mu Mishrako hako geinu Zorathko mu Eshtaolko vor.

⁵⁴Salma nuonuoko: Bethlehem, Netofatko, Atroth-beth-joab, mu Manahatko tietsa puo, Zoritko.

⁵⁵Jabez nu lhoukeba mhakesiko kinumiako: Tiratko, Shimeathko mu Sukatko. Hako Hamath nu kevor Kenko, Rekab yiemiako pfutsau.