Read Angami Naga Seyiedze Kerieu 20 Bible Online

Seyiedze Kerieu 20 - Angami Naga bible

Seyiedze Kerieu 20

¹Teicie nu bayie teiki, kediko pra terhü chüyakezha teiu nu, Joab-e chüpahi zelie di Ammonko kijü peka vor, di Raba houpfülie. Derei David we Jerusalem nu ba zo. Joab-e Raba perhie di puo pekawa.

²David-e uko kediu tsü geinu keditsüreu hielie; süu mesi suna talent puo ba cü puoe ngulie, sünu ketsie puomakere rei tuo; sidi süu pie David tsü gei shülie. Siro puo nadi nu mha vakelieko se phi vorta.

³Süsie puo themia sünu kelhouko ze vorlie, sidi uko bu seigei, thegi seidurüko mu kathi[32] se mha chü,[33] Amon nadi peteko gei David-e hakemhie chüshü. Süsie David mu themiako pete Jerusalem nu la vorta.

⁴Hau sie, Gezer nunu Filistinko ze terhü chü sierta, sitse Hushatmia Sibekai-e kezhakecha yiemia puo Sipai dukhriwa, süsie Filistinko mia khro leta.

⁵Süsie rei Filistinko ze terhü chü la sünu Jair nuou Elhanan-e Gitmia Goliat siezeu Lahmi dukhriwa, süu ngoue pfhekedomia jübo seiu de.

⁶Süsie rei Gath nu terhü chü la, sünu themia zha secü puo tuo, puo dziekinuo sorourou idi pete kesa mepfüedia, puo rei kezhakechako yiemia puo.

⁷Puo Israel kreshü tse, David siezeu Shimea nuou Jonathan-e puo dukhriwa.

⁸Hako Gath nu kezhakechako yiemia ru uko David mu puo kituoko dzie nunu krü phreta.