Read Angami Naga Seyiedze Kerieu 24 Bible Online

Seyiedze Kerieu 24 - Angami Naga bible

Seyiedze Kerieu 24

¹Aron nuonuoko kezakeshü hamhie: Aron nuonuoko: Nadab, Abihu, Eliazar, mu Ithamar.

²Derei Nadab mu Abihu unie puo mhodzü siata, mu unie nuonuo jü, süla Eliazar mu Ithamar unie zievo chülie.

³Eliazar nuonuo donu Zadok mu Ithamar nuonuoko donu Ahimelek kekhruohi se di, David-e uko suomia bu kedipuo chüshütie shicüko kezashüwa.

⁴Siro Eliazar nuonuoko donu thekrüko Ithamar nuonuo thekrüko ki krakuoketa la, Eliazar nuonuo kiko chüpie thekrü keresorou khrükhro shü, mu Ithamar nuonuoko la thetha chülie.

⁵Eliazar mu Ithamar nuonuoko donu kemesabau nu kezhako mu Kepenuopfü lietho kezha bakecü la, dape chü di mhatho kiu suomia zanu parlie shicü pfhü.

⁶Leshükesiu Shemaia Nethanel nuou, Leviu bu kediko zievo-u Zadok mu Abiathar nuou Ahimelek mu zievo kechüko kiko nu thekrüko krünuo ki puo la Eliazar kedalie, mu kekrei puo la Ithamar kedalie.

⁷Theza kerieu Jehoiarib gei pfülie, kenieu Jedaia,

⁸seu Harim, diau Seorim,

⁹pengouu Malkija, sorouu Mijamin,

¹⁰thenieu Hakoz, thethau Abija,

¹¹thepfüu Jeshua, ker-u Shekania,

¹²kerepuou Eliashib, kerekenieu Jakim,

¹³kereseu Hupa, kerediau Jeshebib,

¹⁴kerepengouu Bilga keresorouu Immer,

¹⁵kerethenieu Hezir, kerethethau Hapizez,

¹⁶kerethepfüu Pethahia, mepfüu Jehezkel,

¹⁷mepfüepuou Jakin, mepfüekenieu Gamul,

¹⁸mepfüeseu Delaia, mepfüediau Mazia.

¹⁹Hako uko puo Aron, uko Kepenuopfü Jihova, puo ki diekhakeshü tuoi, uko bu kesieso di puoteiki chülie morokesuoko la Jihova kinu vor u thuo u mhatho pethokeshüu chüshü seituo.

²⁰Süsie Levi nuonuo keshako: Amram nuonuoko donu: Shubael; Shubael nuonuo donu Jehdeia.

²¹Rehabia nuonuo: Rehabia nuonuoko donu krütau Ishia,

²²Izarko donu: Shelomoth, Shelomoth nuonuoko donu Johath.

²³Hebron nuonuoko krütau Jeria, kenieu Amaria, seu Jahaziel diau Jekameam.

²⁴Uziel nuonuoko: Mika, Mika nuonuoko donu Shamir.

²⁵Mika siezeu Ishia; Ishia nuonuoko donu Zekaria.

²⁶Merari nuonuoko: Mahli mu Mushi. Jazia nuonuoko: Beno.

²⁷Merari nuonuoko: Jazia geinu Beno, Shoham, Zakur, mu Ibri

²⁸Mahli geinu: Eliazar, puo puo nuo thepfumia jü.

²⁹Kish geinu, Kish nuonuoko: Jerahmil.

³⁰Mushi nuonuoko: Mahli, Eder mu Jerimoth-u krünuo kiko nunu lekecü hakoha Levi nuonuo thepfuko.

³¹Hako rei u krünuoko kiko nu puo tsü kechüu mu puo siezeu, uko siezedzürieko Aron nuonuoko tuoi di kediu David, Zadok, Ahimelek mu zievoko kinu thekrü kechüko mu Leviko mhodzünu nu u za dape chüshü.