Read Angami Naga Seyiedze Kerieu 4 Bible Online

Seyiedze Kerieu 4 - Angami Naga bible

Seyiedze Kerieu 4

¹Juda nuonuoko: Perez, Hezron, Karmi, Hur mu Shobal.

²Shobal nuou Reia-e Jahath nuo puou, mu Jahath-e Ahumai mu Lahad nie puou. Hako Zorath kinuko.

³Hako Elam nuonuoko: Jezril, Ishma, mu Idbash, mu uko üpfü za liro Hazelelponi,

⁴mu Peniel-e Gedor nuo puou, mu Ezer-e Husha nuo puou. Hako Hur nuonuoko, Efratha nuorieu, Bethlehem krüu.

⁵Ashur, Tekoa nuo puo, puo kimia kenie, Hela mu Naara;

⁶Naara penuoshü puo ketsüko: Ahuzam, Hefer, Temeni mu Hahashtari[11]. Hakoe Nara nuonuoko.

⁷Hela nuonuoko: Zereth, Izhar mu Ethnan.

⁸Siro Koz-e Anub mu Zobeba unie puo mu Harum nuou Aharhel kinuko rei sa.

⁹Jabez-e puo siezedzürieko ki therhupfükuo, puo zuoe sie “Ae kemezhie se di puo penuo shücü la” idi puo za pie Jabez chülie.

¹⁰Jabez-e Israel Kepenuopfü kie di sie, “He-i no japie a tsü, sidi a kijü rieko chü pezhashü mu n dzie a zetuo zolie mu noe thenou biepechükeshü mu mia biepechüpenyükecü nunu a se balietuoü liro” sishü. Mu Kepenuopfü puo kechau chü puo tsüshü

¹¹Shuha siezeu Kelub-e Mehir penuolie. süu Eshton nuo puo.

¹²Eshton Beth-rafa, Pasia mu Tehina nuo puo, Tehina hako puou. Hako Reka themiako.

¹³Kenaz nuonuoko: Othniel mu Seraia; mu Othniel nuonuoko: Hathath mu Meonothai.

¹⁴Meonothai-e Ofra nuo puou; mu Seraia-e Joab puou, süue Ge-harashim[12] puou, ukoe mhachükesi kro puo üdi kieya.

¹⁵Jefune nuo Kaleb nuonuoko: Iru, Ela mu Naam; Ela nuo Kenaz.

¹⁶Jehalelel nuonuoko: Zif, Zifa, Tiria, Asarel.

¹⁷Ezra nuonuoko: Jether, Mered, Efer, mu Jalon, hapfüe Miriam, Shammai mu Eshtemoa puou Ishba penuoshü.

¹⁸Puo kimia Judapfü geinu Gedor puou Jered, Soko puou Heber, mu Zanoa puou Jekuthiel penuolie.

¹⁹Puo kimia Hodia, Naham üpfü nuonuoko Garmia, Keila nuo puo mu Makatmia Eshtemoa.

²⁰Shimon nuonuoko: Amnon, Rinna, Ben-hanan, mu Tilon Ishi nuonuoko: Zoheth mu Ben-zoheth.

²¹Juda nuou Shela nuonuoko Leka nuo puo Er, Maresha nuo puo Lada, hako Beth-ashbea nunu linen chüyakezha kinuko.

²²Süsie Jokim, mu Kozeba themiako, Joash mu Saraf, hako kiya Moab nu vota, derei Lehem nu la vorta. (Tsie hako keriekithomia dze chüte.)

²³Hako lithoko mu uko Netaim mu Gedera nu kelhoumia; kediu lie chüya.

²⁴Simeon nuonuoko: Nemuel, Jamin, Jarib, Zera, Shaul,

²⁵puo nuou Shalum, puo nuou Mibsam, puo nuou Mishma

²⁶Mishma nuonuoko: puo nuou Hamuel, puo nuo Zakur, puo nuou Shimei.

²⁷Shimei-e puo nuo thepfumia sorou mu thenumia keresorou derei puo siezedzürieko u nuonuo kra mo, uko kinuko we Juda nuonuoko tuoi di kruo reilie mota.

²⁸Uko Beersheba, Molada, Hazar-shual,

²⁹Bilha, Ezem, Tolad,

³⁰Bethuel, Horma, Ziklag,

³¹Beth-markabot, Hozar-susim, Beth-biri, mu Sharaimko nu lhou. Hako David kedi chü kemochie uko nadi pengouko

³²Mu uko rünako: Etam, Ain, Rimmon, Token mu Ashan, rüna pengou rei sa.

³³Rüna hako khieümhoukeba rünako pete zo vo Baal ketso sa. Hako uko kelhou chüko, siro uko seyieko dze thupietuo.

³⁴Meshobab, Jamlek, Josha Amazia nuou

³⁵Joel, Jehu, Joshibia nuou Seraia nuou Asiel nuou,

³⁶Elioenai, Jakoba, Jeshohaia, Asaia, Adiel, Jesimiel, Benaia,

³⁷Shifi nuou Ziza, Alon nuou, Jedaia nuou, Shimri nuou Shemaia nuou.

³⁸U za pukecü hakoha u kikruko donu krütakote, mu u kinuko kruo pezha philie.

³⁹Ukoe Gedor nu letayakezha tsatie vo, razhau niathu tsatie uko gurako la nha pfhü zo vota.

⁴⁰Uko kijü süu nha vi, kijü meya, zei-i mu menetshüi zokecü ngulie; thiedzü Ham yiemiako lhou vorwate.

⁴¹Uko za thupieketuo hako Juda kediu Hezekia teiki vorlie, di mia pfheki rhuowa, mu Meunim sünu kebako pekaperuowa, sidi uko ba nu lhouta, süusü uko kuoko la nha vi bakecü la.

⁴²Uko huomia, Simeon nuonuoko mia krie pengou uko krüta Pelatia, Nearia, Refaia, Uziel, Ishi nuonuoko hako ze di Seir kijüthou gei volie.

⁴³Uko Amalekmia ta kepeshako pekawa di thie ketso rei sünu lhou vor.