Read Angami Naga Seyiedze Kerieu 7 Bible Online

Seyiedze Kerieu 7 - Angami Naga bible

Seyiedze Kerieu 7

¹Isakar nuonuoko: Tola, Pua, Jashub mu Shimron, Miadia.

²Tola nuonuoko Uzi: Refaia, Jeriel, Jahmai, Ibsam, mu Shemuel, Tola kinuko, Kezhako, uko phou ki terhümiavimia chü, David teiki uko mia nyie mepfüekenie di krie sorou.

³Uzi nuonuoko: Izrahia mu Izarahia nuonuoko: Mikael, Obadia, Joel, Ishia mia pengou, uko pete krütamia chü.

⁴Mu uko sa di uko phou nu u pfutsanuoko kiko geinu le di terhü themia rei ba, süko mia nyie seresorou, kekreilamonyü uko nuonuo mu u nupfünuo kra.

⁵Uko thinuomia pete Isakar kinuko terhümiavimia nyie hiethethaethenie, u kelhou le di u za thulie.

⁶Benjamin nuonuoko: Bela, Beker, Jediael, mia se.

⁷Bela nuonuoko: Ezbon, Uzi, Uziel, Jerimoth mu Iri, mia pengou, u krünuoko kinu kezhakechüko terhümiavimia, mu uko kelhou le di u za thukelie mia nyie mepfüekenie di seredia.

⁸Beker nuonuoko: Zemira, Joash, Eliezer, Elioenai, Omri, Jeremoth, Abija, Anathoth, mu Alemet. Hako pete Beker nuonuo.

⁹Mu uko phou le di u za thukelie, uko krünuoko kinu puo tsüko, terhümiavimia nyie mepfü di krie kenie.

¹⁰Jediael nuonuoko: Bilhan mu Bilhan nuonuoko, Jeush, Benjamin, Ehud, Kenana, Zethan, Tarshish mu Ahishahar,

¹¹Hako Jediael nuonuoko u krünuoko kinu terhümiavimia puotsüko nyie kerethenie di krie kenie, terhü nu voketuo dojü dojüpfü baya zo.

¹²Siro Shupim mu Hupim unie-e Ir nuo, Hushim-e Aher nuo[16].

¹³Naftali nuosenuoyieko: Jahziel, Guni, Jezer, Shalum, Bilha nuosenuoyieko.

¹⁴Manasseh nuonuoko: Asriel puo pelipfü Arameanpfü penuokeshüu, süpfüe Gilid puou Makir penuoshü.

¹⁵Mu Makir-e Hupim mu Shupim unie la thenu lieshü puo üpfü za Maka. Mu kekreiu za Zelofehad, unie Zelofehad-e puo nuo thenumia nyi.

¹⁶Makir kimia Maka, thepfumia puo penuolie, sidi puo zapie Peresh chü mu puo siezeu za Sheresh, siro süu nuonuo zae Ulam mu Rekem.

¹⁷Ulam nuoko: Bedan. Hako Manasseh nuo Makir nuou Gilid nuoko.

¹⁸Puo üpfü Hamoleket geinu Ishhod, Abiezer mu Mahla penuolie.

¹⁹Shemida nuonuokoe Ahiam, Shekem, Likhi mu Aniam.

²⁰Efraim nuonuoko: Shuthela, mu puo nuou Bered, puo nuou Tahat puo nuou Elida, puo nuou Tahat,

²¹puo nuou Zabad, puo nuou Shuthela, siro Ezer; mu Eliad, Gadmia kijü sü nunu lhoukelieko bu sünie geiwa, unie mia rinuo rügulietuoü tuocü la mia bu unie geiwate.

²²Unie puou Efraim teisozha kekra unie krü, mu puo siezeko puo nou thupeluotuoü vor.

²³Siro Efraim puo kimia ki vo, süpfü nuonipfülie di thepfumia puo penuolie, puoe puo za thopie Beria chü, kekreilamonyü kepeka[17] puo kinu vorcü la.

²⁴Puo nuopfü zae Sheera, Beth-heron pekhro mu peso mu Uzen-shira chükeshüpfü.

²⁵Refa-e puo nuou, puo nuou Reshef, puo nuou Tela, puo nuou Tahan,

²⁶puo nuou Ladan, puo nuou Amihud, puo nuou Elishama

²⁷puo nuou Nun, puo nuou Joshua.

²⁸Uko vieko: mu u kebachüko Bethel mu süu rünako, niathutsa Naran, niakratsa Gezer mu puo rünako, Shekem mu puo rünako, Aya mu puo rünako ketso;

²⁹Manasseh tierie ketso, Beth-shean mu puo rünako, Tanak mu puo rünako, Megido mu puo rünako, Dor mu puo rünako. Hako nu Israel nuou Josef nuonuoko lhou.

³⁰Asher nuonuoko: Imna, Ishva, Ishvi, Beria mu uko üpfü Sera.

³¹Beria nuonuoko: Heber mu Birzaith nuo puou Malkiel.

³²Haber-e Jaflet, Shomer, Hotham mu uko üpfü Shua hako puou.

³³Jaflet nuonuoko: Pasak Bimhal mu Ashvath. Hako Jaflet nuo thepfuko.

³⁴Shemer nuonuoko: Ahi, Rohga, Huba mu Aram.

³⁵Puo siezeu Helem[18] nuonuoko: Zofa, Imna, Shelesh, mu Amal.

³⁶Zofa nuonuoko: Sua, Harnefer, Shual, Beri, Imra,

³⁷Bezer, Hod, Shama, Shilsha, Ithran mu Bira.

³⁸Jether nuonuoko: Jefune, Pispa mu Ara

³⁹Ula nuonuoko: Ara Haniel, mu Rizia.

⁴⁰Hakoe pete Ashermia, u krünuoko, kekuo mu kedimiako kezhakechüko uko phou le di u za thukelie, terhü nu mhatho la mia nyie mepfüesorou.