Read Angami Naga Seyiedze Kerieu 9 Bible Online

Seyiedze Kerieu 9 - Angami Naga bible

Seyiedze Kerieu 9

¹Sidi Israelmia pete u kelhouko le di u za thulie; mu hako Israelmia mu Juda kediko dze leshüdau nu thupie ketuoko. Siro diethokemo la mia uko teze Babilon nu voketa.

²Siro uko vieko mu uko rünako nu la vor lhou la keriekoe Israelmiako, zievoko, Levimiako mu kerüsuoki chalieko.

³Siro Juda themiako huomia, Benjamin, Efraim mu Manasseh Jerusalem nu lhou,

⁴Uthai Amihud nuou, Omri nuou, Imri nuou, Bani nuou, Juda nuou Perez nuonuoko geinu kelhouko.

⁵Siro Shilonmiako ro: Nuorieu Asaia mu puo nuonuoko,

⁶Zera nuonuoko geinu lhou kevorko. Jeuel mu uko chienuoko, mia krie sorou di hiethepfü.

⁷Benjaminmiako geinu lhou kevorko: Meshulam nuou Salu, Hodavia nuou, Hasenua nuou,

⁸Jeroham nuou Ibneia, Uzi nuou Ela, Mikri nuou, mu Shefatia nuou, Meshulam, Reuel nuou, Ibnija nuou;

⁹mu thephou le kevor uko thinuomia mia krie thepfü di hiepengouesorou. Hako pete uko krünuo kiko nu thekrüko chü.

¹⁰Zievo kechüko: Jedaia, Jehoiarib, Jakin,

¹¹mu Hilkia nuou, Azaria, Meshulam nuou, Zadok nuou, Meraioth nuou, Ahitub nuou, Kepenuopfü kinu chaliekechü kezhau,

¹²mu Jeroham nuou Adaia, Pashur nuou, Malkija nuou, mu Adiel nuou Masai, Jahzera nuou, Meshulam nuou, Meshilemit nuou, Immer nuou.

¹³Uko chienuoko sie rei uko kinu kreikecüko mia nyie puo krie thenie di hiesorou. Kepenuopfü kinu lietho la, mha chüliekesimia kro puo zo.

¹⁴Leviko: Shemaia, Hashub nuou, Azrikam nuou, Hashabia nuou, Merari nuou;

¹⁵mu Bakbakar, Heresh, Galal mu Mattania Mika nuou, Zikri nuou, Asaf nuou,

¹⁶Mu Shemaia nuou Obadia Galal nuou, Jeduthun nuou, Asa nuou, Berekia, Elkana nuou, hako Netofatmia rünako nu lhou.

¹⁷Care kepfheko: Shalum; Akub, Talmon, Ahiman mu uko kiünuomia Shalum krüta chü.

¹⁸Ukoe kediu care niathutsa ba vor. Hako Leviko kebachü nu care kepfheko,

¹⁹Shalum Kore nuou Ebiasaf nuou, Kora nuou, mu puo pfutsanuoko kinu mu puo chienuo Korahitko bu careko la liethoko chü, uko krünuoko Jihova bau kese kevo tuoi ukoe careko mehoya.

²⁰Siro Eliazar nuou Finehas hamhodzü uko krütachü vor; mu Jihova puo zetuo.

²¹Meshelemia nuou Zekaria mechü kehoukiu care kepfheu

²²Careko kepfhe chüketuo la u kedakelieko pete mia krie kenie di kerekenie uko rünako nunu lhou ketuoko le di uko za thulie. David mu siedzekesiu Samuel unie thuo hako mhatho le di uko bu chüketuoko keseshü.

²³Sidi uko mu uko nuonuoko bu Jihova kiu, pfhekiu, careko kepfheko chü di süko mhathoko se;

²⁴care kepfheko puo tsei diako nu ba; niathutsa, niakratsa, pesotsa mu pekhrotsa.

²⁵Siro uko kinuko rüna nu ketuoko bu zha thenie metsei uko ze baketuo la vor morosuo beiya.

²⁶Care kepfhe kezhamia diako, Leviko Kepenuopfü kiu nu kebako mu kinyiko mehoya.

²⁷Ukoe Kepenuopfü kiu khiera lhoubaya, uko bu mha pfhekebako chü di teisoduü süu khrüshüya.

²⁸Uko huomia tehie mekhouko keseya, süko se vor mu se parkecü ki phrülielie morosuokecü la.

²⁹Uko kekrei kro puo bu kinu nyako, kemesa khou mu tehieko, thou kememhie khubezuu, tier, mhare kevi theshüyakezhau mu mharekethenguko keseya.

³⁰Kekreiko zievoko nuonuo bu mharekethengu kereikecüko chü;

³¹süsie Mattithia, Leviko mia puo, Korahitmia Shalum nuo nuorieu niekhrüdako keseya.

³²Siro uko kinumia keshako mia kepekie niekhrüdau, sabat metsei kesekeshüko chü.

³³Tsalikechüko hako: Levimia kikru tsüko mhatho kekrei chü sa mota di kerüsuokiu nu kibouko nu baya zo, uko we theva rei khinhie rei u mhatho nu ba zo morosuo.

³⁴Hako Leviko kikru tsüko: Jerusalem nu kelhou thephou lekeshü.

³⁵Gibeon nu kelhou Gibeon nuo puo Jeiel mu puo kimia za Maka.

³⁶Puo nuo nuorieu Abdon süsie Zur, Kish; Baal, Ner, Nadab,

³⁷Gedor, Ahio, Zekaria mu Mikloth;

³⁸mu Mikloth-e Shimeam nuo puou mu uko rei uko kinuko ze di uko thinuomia Jerusalem nu kelhouko kepetsoutsa baya.

³⁹Ner-e Kish nuo puo, Kish nuo Saul, Saul nuo Jonathan, Malkishua, Abinadab mu Esh-bal hako puou,

⁴⁰Jonathan, nuou Merib-baal mu Merib-baal, Mika nuo puo.

⁴¹Mika nuonuo Pithon, Melek, Tahrea, mu Ahaz

⁴²Ahaz Jaranuo puo, Jara-e Alemet, Asmaveth mu Zimri hako puo; Zimri, Mozanuo puo.

⁴³Mozae Bineanuo puo, süu nuou Rafaia, puo nuou Elisa puo nuou Azel.

⁴⁴Azel puo nuo thepfu sorou, mu süko za: Azrikam, Bokeru, Ishmael, Sheraia, Obadia, Hanan hako Azel nuonuoko.