Read Angami Naga Seyiedze Kenieu 14 Bible Online

Seyiedze Kenieu 14 - Angami Naga bible

Seyiedze Kenieu 14

¹Siro Abija puo pfutsanuoko ze di zhüta, mu mia David rünau nunu puo khruwa, siro puo nuou Asa puo sou nu dita. Puo teiki kijüu cie ker kerülei ngulie.

²Asa-e Jihova puo Kepenuopfü mhiki vi mu mezhükecüu chülie.

³Puoe seyie kekreimia ruosuoba mu thechü kerükrieko biewa, coko biephewa mu Asherako wiwa.

⁴Sidi Juda bu Jihova uko pfutsanuoko Kepenuopfü pfhülie, mu puo zhoko mu puo diekhakeshüko zelienu di die khashü.

⁵Süsie rei puoe Juda nadiko nunu thechü kerükrieko mu mhare kevi ruosuo bako bie phrewa. Sidi kedi rüvieu puo khronu mene balie.

⁶Siro kijüu rülei keba la puo Juda nu nadiko kuda chüwa, Jihova noune kha puo tsükeshü la teicie sükonu puo terhü chü mo.

⁷Siro puo Juda ki, “Úko nadi chülie di dahou nu rükhouki kerükrieko, kharuko mu süko kekhako chülie khe, kijüu sü úko vie ba zo, kekreilamonyü úkoe Jihova úko Kepenuopfü pfhülie, uko puo pfhülie, mu puoe noune khapie lutsahatsa uko tsüshüte” sishü. Süla uko mhachülie mu kruolie.

⁸Tsiu Asa-e pezhü kezha mu rüngou kepie Juda kinu chüpahi nyie krie se, mu Benjamin kinu mia nyie krie kenie di hiethetha pezhü mu theü kepie ba; hako terhü nu kethepfu mu kekuo themia phre.

⁹Ethiopiamia Zera chüpahimia millionkecü mu guragari krie se ze di uko whuo Maresha ketso vor.

¹⁰Sitse Asa-e puo ze kesetuoü pra di unie Maresha Zefatha razhau nunu kegeiketuo la dojüpfü thalie.

¹¹Siro Asa-e Jihova puo Kepenuopfü ki melie di sie, “He-i Jihova, miapuorei n mhie di kekuou mu kethachüu donu rei khruohikeshü jülie, he-i Jihova hie Kepenuopfü hieko khruohishücie, hieko n pele keba la, mu hieko n za nunu krodi hau ze keperhie kevor zo, he-i Jihova, noe hieko Kepenuopfü, themia puo bu rei n ki kuolie hiecü mu” sishü.

¹²Süla Jihova Asa mu Juda mhodzünu nu Ethiopiako[9] penyüwa, mu Ethiopiako[10] tata.

¹³Asa mu puo ze ketuo themiako Gerar ketso uko whuo vo, mu Ethiopiako[11] krü zo vo miapuorei rhituo mota; uko bu Jihova mu puo chüpahiko mhodzünu tseütsaketa la. Juda themiakoe mha keta phi se vorta.

¹⁴Siro uko Gerar khieümhou nadiko pete biewa, Jihova kepreiu uko gei baketa la. Uko nadiko pete valie, süko nu mha valie kevi ba phicü la.

¹⁵Siro uko kiri kenyiko pfhekiko rei vawa di tekuo mu ut kekra ze tuota. Süsie uko la Jerusalem nu vorta.