Read Angami Naga Ezra 1 Bible Online

Ezra 1 - Angami Naga bible

Ezra 1

¹Persia kediu Sairos kedi chükelie teicie therie cie Jihova Jeremia tie nunu pukeshü chü tseilieketuo la, Jihova Persia kediu nou chüshü, süki puoe puo kedi rüvie pete pesikeshü, mu thukeshü hamhie:

²“Persia kediu Sairos hamhie di puya: Jihova teigei keba Ukepenuopfüe kijü nu keba kedirüvie pete pie a tsüwate, mu puoe a bu Juda nu keba Jerusalem nu ki puo chüpie puo tsünuya.

³Nieko donu ketuo puo themia kehoupuorei Ukepenuopfü bu puo ze ketuou chülie, puo bu Juda nu keba Jerusalem nu khocie, di Jihova Israel Kepenuopfü kiu chülie puo Jerusalem nu bayakecü Ukepenuopfü.

⁴Siro themia peshapie keba pete, thechü kehourapuo tuo rei, u ketuora themiako bu raka, suna, mhanya mu khunuo khapie khruohilie, Jerusalem nu keba Kepenuopfü kiu la keneisephra tsügei rei khashücie” sishü.

⁵Sitse Juda mu Benjamin mu zievoko, siro Levimiako, mu Ukepenuopfü thuo themia nou hükeshü pete, Jerusalem nu keba Jihova kiu chütuoü sieta.

⁶Siro uko siezanuomia pete rei u thuo u nei di khakeshü tsügei rei rakachü liko, suna, mhanya mu khunuo mu mhama kere khashü di uko dzie chü kemeteishü.

⁷Sizomonyü kediu Sairos-e Nebukadnezar Jerusalem nu Jihova kiu liko se vo puo rhuoko kiko nu shüpie bakewako se vorlie.

⁸Sükosü Persia kediu Sairos-e puo kinyikeseu Mithredath bu se vornushü, mu süko phrüpie Juda kedi nuou Sheshbazar tsüwanushü.

⁹Süko phrü kevo hamhie. Suna dzieteikhou ser, rakachü dzieteikhou nyie puo, kotari mepfüethepfü.

¹⁰Suna khou ser, rakachü khou krie dia di ser mu mhabou kekrei nyie puo.

¹¹Suna mu rakachü pie kechü mhabou pete nyie pengou di krie dia, Sheshbazar-e mha hako mu mia diechü ketako sa di Babilon nunu ze Jerusalem nu vor.