Read Angami Naga Ezra 10 Bible Online

Ezra 10 - Angami Naga bible

Ezra 10

¹Sidi Ezra kechachü mu kephouma phra, kra di puo thuo puo khapie Ukepenuopfü kiu mhodzünu shükelie ki, Israelmia donunu thenumia, thepfumia mu nhicumia kekra vor puo khie ki kengulie, mu themiako rei kra phita.

²Sitse Jehiel nuou Shekania, Elam nuonuo thepfuko donu mia puo, Ezra ki pu di, “Hieko hie Kepenuopfü gei jo tuote, sidi kijüu nu themiako donu thenu kekrei lielie, sirei tsie Israel donu kemerü baluo.

³Süla tsie u kimianuoko pete mu uko nuonuoko pete ketsewa khe, a niepuu die mu Ukepenuopfü diekhakeshü sikeshü ki michiekelie mhie uko Kepenuopfü ze dietseidiekholie, mu süu thezho medzi di chülie khe.

⁴Sieliecie, hau n mhatho-ucü la, mu hie rei n sie ki thalietuo, thepfulie di süu chüshülie” sishü.

⁵Sitse Ezra sielie di zievoko, mu Leviko, mu Israel pete bu die hau kemhie chülietuoü rüsewanuta, süla ukoe rüsewa.

⁶Süsie Ezra-e Ukepenuopfü kiu mhodzünu nu sielie di Eliashib nuou Johanan ki nu vota di süzhü sünu bata. Puoe mhacümhakrie mo, puoe mia die chü di la kevorko kephouma la puo nou suo batacü la.

⁷Sidi ukoe Juda mu Jerusalem pete nu mia die chü di la kevorko pete bu vor Jerusalem nunu kengulie nu di pesishü.

⁸Mu kehoupuorei kezhamia mu pehüko diekhakeshü mhiei teisozha se donu vorlie mo liro, puo vienya pete pejüwa, mu puo mia die chü di la kevorko kehou donu puo khawatuoüwata.

⁹Sitse teisozha se donu Juda mu Benjaminmia pete vo Jerusalem nu kengulie, süusü thekhrü thepfüu nu, teisozha mepfü nhie, sidi themia pete Kepenuopfü kiu mhodzünu balie, mu themiako thenyie hau la mu teirü phiketa la perüsapfü ba.

¹⁰Sitse Ezra zievo-u siethalie, di sie uko ki, “Nieko jo tuote, mu seyie kekreimiapfü lie di Israel kephouma bie pekrawate.

¹¹Tsie süla nie kejo phrapie Jihova nie puonuoko Kepenuopfü ki shüwacie, sidi puo medo-u chüliecie; di kijüu nu themia donunu mu seyie kekreimiapfü liepie nie kimia kechüko donunu nie chü kreilie” sishü.

¹²Sitse kehou themia pete rei melie u rhie chü puo die kela di sie, “Hie n kepuu chülietuo.

¹³Derei themia krathor, siro teirü sekecü tei puote, süla hieko chazou thalie kenjüte, siro mhatho hau teisozha puo morei kenie donu chülie kenjü; kekreilamonyü mha hau nu hieko mia kekra kekrüwate.

¹⁴Hieko mho kezhako bu mechü sou chüliecie; hieko nadiko nu suomia seyie kekreimia lie shiü sümia la teisozha pushü di u bu vorcie, siro uko bu nadi pete nu pehüko mu capiko zelie di Kepenuopfü noupfhünouyie kemeriekecüu hie geinu chüwa kemochie” si.

¹⁵Asahel nuou Jonathan mu Tikva nuou Jahzeia rübei hau petsoucü zo, mu Levimia Meshulam mu Shabethai unie-e sünie yapie.

¹⁶Sitse mia die chü tuo di la kevorko, sükemhie chülie. Ezra zievo-u, chienuo donu puo tsü kepfü huomia u puonuo kiu ze di kedakelieko[4], mia puopuokecü za chie di kedalie. Sidi ukoe thekhrü ker-u nu teisozha therie nhie mha süu chü sedelie.

¹⁷Sidi thekhrü therieu nu teisozha therie nhie uko seyie kekreimiapfü liepie u kimia chükecüko nyieu chü kemesa tseiwa.

¹⁸Zievoko nuonuo donu seyie kekreimiapfü liekecü ngukelie hako: Jozadak nuou Jeshua nuonuo thepfuko mu puo siezedzürieko donu Maseia, Eliezer, Jarib mu Gedalia

¹⁹Sükoe uko kimiako khawatuoü u die khashüwa, ukoe joketa la, u kejokemouu la tekuokro-u donunu tekuochü puo pie ruosuo chü.

²⁰Immer nuonuo thepfuko donu Hanani mu Zebadia

²¹Harim nuonuo thepfuko donu Maseia, Elija, Shemaia, Jehuel mu Uzia.

²²Pashur nuonuo thepfuko donu Elioenai, Maaseia, Ishmael, Nethanel, Jozabad mu Elasa.

²³Levimiako donu: Jozabad, Shimei, Kelaia (süusü Kelita ükecüu) Pethahia, Juda, mu Eliezer.

²⁴Ükechüko donu Eliashib, Kharukepfheko donu, Shalum, Telem mu Uri.

²⁵Mu Israel donu; Parosh nuonuo thepfuko donu; Ramiah, Izzia, Malkhija, Mijamin, Eliazar, Hashabia mu Benaia,

²⁶Elam nuonuo thepfuko donu: Matania Zekaria, Jehiel, Abdi, Jeremoth mu Elija.

²⁷Zatu nuonuo thepfuko donu Elioenai, Eliashib, Matania, Jeremoth, Zabad, mu Aziza.

²⁸Bebai nuonuo thepfuko donu Jehohanan, Hanania. Zabai, mu Athlai.

²⁹Bani nuonuo thepfuko donu Meshulam, Maluk, Adaia, Jashub, Sheal mu Jeremoth.

³⁰Pahat-moab nuonuo thepfuko donu: Adna, Kelal, Benaia, Maseia, Matania, Bezalel, Binui mu Manasseh.

³¹Harim nuonuo thepfuko donu: Eliezer, Ishija, Malkija, Shemaia, Shimeon,

³²Benjamin, Maluk mu Shemaria.

³³Hashum nuonuo thepfuko donu: Matenai, Matata, Zabad, Elifelet, Jeremai, Manasseh mu Shimei.

³⁴Bani nuonuo thepfuko donu, Madai, Amram, Uel,

³⁵Benaia, Bedeia, Keluhi,

³⁶Vania, Meremoth, Eliashib,

³⁷Matania, Matenai, Jashum

³⁸Binui[5] nuonuo thepfuko donu Shimei.

³⁹Shelemia, Nathan Adaia,

⁴⁰Maknadebai, Shashai, Sharai,

⁴¹Azarel, Shelemia, Shemaria,

⁴²Shalum, Amaria mu Josef.

⁴³Nebo nuonuo thepfuko donu: Jeiel, Matithia, Zabad, Zebina, Jadai, Joel mu Benaia,

⁴⁴Themia hako pete rei seyie kekreimiapfü lie, mu ukoe u nuonuo sa di süko kha phrewata.