Read Angami Naga Ezra 5 Bible Online

Ezra 5 - Angami Naga bible

Ezra 5

¹Süki Hagai siedzekesiu mu Iddo nuou Zakaria Judamia Juda mu Jerusalem nu ketuoko ki Israel Kepenuopfü uko mho ketuou za nunu siedzekesidie pu.

²Sitse Shealtiel nuou Zerubabel mu Jozadak nuou Jeshua unie sielie di Jerusalem nu keba Ukepenuopfü kiu chü sede lavü; süki Ukepenuopfü siedzekesimiako rei unie khruohishü.

³Süki Kerü Lu tsatie keba kezhau Tatenai, mu Shethar-bozenai, mu uko kezemiako vor di uko ki hakemhie pu, “Supuonie nie bu ki hau chülienu, mu dahou hau pfhelienu kekuo kha nie tsü ga?” sita.

⁴Sümho rei sükoe uko ketso di, “Ki hau chükeba themiako za üse kiüya?” ita.

⁵Derei uko Kepenuopfü mhi-e Judamia krütako gei bata, süla thedzeu Darius tsolie kemochie uko khalie kenjüta, mu kethu nunu hau dzeu kelashü.

⁶Kerü Lutsakhie keba kezhaue Tatenai, mu Shethar-bozenai, mu puo kezemiako, Kerü Lu tsatie khe kebako, ketsepie kediu Darius ki keshü leshü hau;

⁷uko ketsekeshü leshüu gei hakemhie thupie tuo: “Pie kediu Darius ki keshü, kediu bu keviu chüliecie.

⁸Kediu bu siliecie, süsü hiekoe Juda rüna nu, Ukepenuopfü kezhau ki nu vo; süu ketsie kezhazha pie chü, mu sei pie puo sozhako chü, mhatho hau chü menuo se mu uko dzie pie chü pevi selietazhü zo.

⁹Siro hieko sünu pehüko ketso di, ‘Supuonie nieko bu ki hau chülienu, mu dahou hako pfhelienu kekuo khashü nieko tsü ga?’

¹⁰Hiekoe uko za rei ketsoshü; süusü uko krütako za thulie di pie n pesishüketuo la.

¹¹Siru ukoe hakemhie di hie die kelashü: ‘Hieko tei mu kijü mho Ukepenuopfü kituomia, hieko teicie kekra voketa ki Israel kedi kezha puoe chü di chü tseikeshü kiu chü la ba.

¹²Derei hieko puonuokoe teigei ketuo Ukepenuopfü nou chü kemeyiewa, süla puoe uko khapie Chaldianmia, Babilon kediu Nebukadnezar dzie nu shüwa, puoe ki hau pekawa, mu themiako teze Babilon nu tsuta.

¹³Sizoürei Babilon nu kediu Sairos kedi chükelie teicie therie cie, Ukepenuopfü ki hau chü lalienu die khashü.

¹⁴Siro Ukepenuopfü kiu nu keba suna mu rakachü hiekhouko, Nebukadnezar-e Jerusalem nu keba rüsuoki nunu se tsu Babilon rüsuoki nu shüwaketako, Sairos kediue Babilon rüsuoki nunu süko chülie, di khapie puoe puo chüpie kezha chükeshüu Sheshbazar ükecü mia puo dzie nu shüshü.

¹⁵Sidi sie süu ki, “Mhabou hako pielie, di hako toupfü vo Jerusalem nu keba rüsuokiu nu shüwalie, tsiu Ukepenuopfü kiu puo tha nu chü laliecie” si.

¹⁶Süki Sheshbazar ükecüu vor, di Jerusalem nu keba Ukepenuopfü ki mvüdzeu dzeshü; sidi süteiki nu vor tsie ketso süu chütuoya zo, mu chü tseilie mo ba zoluo.’

¹⁷Süla kediu puo neituoü ro, kediu leshü kengupie kebau kiu, Babilon nu kebau nunu pfhücie, sidi kediu Sairos Jerusalem nu Ukepenuopfü kiu chünukeshü die khakeshü ketho mo mo shi mehocie. Mu kediu bu hau nyie la puo keneiu chüpie hieko gei shüliecie” sita.