Read Angami Naga Nehemia 10 Bible Online

Nehemia 10 - Angami Naga bible

Nehemia 10

¹Zasi vükeshü themiako; Hakalia nuou Nehemia kezhau mu Zedekia,

²Seraia, Azaria, Jeremia,

³Pashur, Amaria, Malkija,

⁴Hatush, Shebania, Maluk,

⁵Harim, Meremoth, Obadia,

⁶Daniel, Ginethon, Baruk

⁷Meshulam, Abija, Mijamin,

⁸Mazia, Bilgai, Shemaia hako zievoko.

⁹Leviko: Azania nuou Jeshua, Hanadad nuo Binui, Kadmiel.

¹⁰Mu uko siezedzürieko, Shebania, Hodia, Kelita, Pelaia Hanan

¹¹Mika, Rehob, Hashabia,

¹²Zakur, Sherebia, Shebania.

¹³Hodia, Bani, Beninu.

¹⁴Themiako donu krütako: Parosh, Pahat-moab, Elam, Zatu, Bani,

¹⁵Buni, Azgad, Bebai

¹⁶Adonija, Bigvai, Adin,

¹⁷Ater, Hezekia, Azur,

¹⁸Hodia, Hashum, Bezai,

¹⁹Harif, Anathoth, Nebai,

²⁰Magpiash, Meshulam, Hezir,

²¹Meshezabel, Zadok, Jadua,

²²Pelatia, Hanan, Anaia,

²³Hoshea, Hanania, Hashub,

²⁴Halohesh, Pilha, Shobek,

²⁵Rehum, Hashabna, Maseia,

²⁶Ahia, Hanan, Anan,

²⁷Maluk, Harim, Bana.

²⁸Themia kekreiko, zievoko, Leviko, kharu kepfheko, ütsalikechüko rüsuoki kethekeko, siro kijüu themiako donu nu u kelakrei pie Ukepenuopfü zhotsa shükelieko, u kimiako, u nuo thepfuko mu thenunuoko, mhasi mu kesikele themia kehoupuorei.

²⁹Ukoe u siezedzürieko, uko pehüko kitsa vorlie, sidi Kepenuopfü zho-u nu tuo volietuoü, mu Jihova uko Kepenuopfü diekhakeshü pete, mu puo ahzako, tsiu puo zho chüüzelietuoü rüseshü tsiu u die khashüwata.

³⁰Siro hie hie nuonuo thenumia khapie kijü nu themiako ki shülie lho, morei hie nuo thepfuko la u nuo thenumia rei lielie lho,

³¹Mhanuü kijü nu themiakoe sabat nhie mhanya morei kecüca kehoupuorei se vor ze zo shierei, hie sabat nhie morei teisozha kemesa nhie süu khrülie lho, siro hieko teicie thenieu liecielie lho, mu thepu kehoupuorei vashüwatuo.

³²Süsie rei hie hie thuo teiciekepra shekel se za puo pie Kepenuopfü kiu lietho la setuoü thezho chülie.

³³Siro mia kepekie niekhrüdau la, thoulha pie rüsuo chüyakecüu la, the pie ruosuo chüyakecüu la, sabatko la, khrü kesa la, petho pie keba thenyiko la, mha kemesako la, mu Israelmia rhalieketuo la kephouma ruosuou, mu hie Kepenuopfü kiu nu mhatho peteko la.

³⁴Sidi thezho-u nu thupieketuo tuoi, teiciekepra chünukecü Jihova hie Kepenuopfü ruosuoba gei theketuo la, u puonuo kinuko nu kechü tuoi, sei ruosuo khashüketuo la, süu se hie Kepenuopfü kiu nu vorketuo la, zievoko, Leviko mu themiako donu nu dape chü.

³⁵Siro teiciekepra, Jihova kiu nu, u lie nu puo si vükerieu se vortuoü.

³⁶Siro thezho nu thupieketuo tuoi, hie nuonuo thepfumia nuorieu, hie thu, mu hie kiri mu hie kuoko nu kerieu se Kepenuopfü kinu vortuo, süko se Kepenuopfü kinu mhachüyakezha zievoko ki votuo.

³⁷Siro hie niekhrüda nekelie kerieu, hie ruosuo, mu seibo kehoupuorei puo sivükelie, khubezu nu tier, se zievoko, Ukepenuopfü kinu zievoko ki vokecü mese.

³⁸Siro hie kijü nu ker za puo pie Leviko ki votuo, Leviko bu lieciekelie rüna pete nu ker za puo kenguyacü la.

³⁹Kekreilamonyü Israelmiako mu Levi nuonuokoe süko, khubedzü kesa, tier ker za puo se kemesa chü mhabouko keba kibouu nu, zievoko lietho chüyakezhako, carekepfheko ki, mu ütsali chüyakezhako ki votuo, hiekoe hie Kepenuopfü kiu lhawalie lho zo.