Read Angami Naga Nehemia 11 Bible Online

Nehemia 11 - Angami Naga bible

Nehemia 11

¹Siro krütakoe Jerusalem nu lhou, siro themia kekreiko mia ker donu mia puo bu Jerusalem kemesa nadiu nu lhou mu kekrei thepfüko bu rüna kekrei ra lhouketuo la themiakoe dape chü.

²Tsiu themiakoe japie u thuo Jerusalem nu batatuoükecüko tsü.

³Jerusalem nu lhoukecü rüna hako kemeyieko: derei Juda rüna nu themiakoe u thuo u rünako nu u viera lhou, süko Israel zievoko, Leviko, rüsuoki kituoko, mu Solomon kituomia nuonuoko.

⁴Siro Jerusalem nu Juda nuonuo mu Benjamin nuonuokoe huo lhoutuo, Juda nuonuoko: Uzia nuou Athalia, Zekaria nuou, Amaria nuou, Shefatia nuou, Mahalalel nuou, Perez nuonuoko.

⁵Mu Baruk nuou Maseia, Kol-hoze nuou, Hazaia nuou, Adaia nuou, Joiarib nuou, Zekaria nuou, Shilon nuou.

⁶Perez nuonuo Jerusalem nu lhouketuo pete thepfumia krie dia di hiesorouethetha.

⁷Siro hako Benjamin nuonuoko: Meshulam nuou Salu, Joel nuou, Pedaia nuou, Kolaia nuou, Maseia nuou, Ithiel nuou, Jeshaia nuou.

⁸Puo siezedzürieko: Gabai, Salai, mia krie thepfü di mepfüethetha.

⁹Siro Zikri nuou Joel-e uko mhokezhau: mu Hasenua nuou Judae nadiu mho kezha kenieu chü.

¹⁰Zievoko liro, Joiarib nuou Jedaia, Jakin,

¹¹Hilkia nuou Seraia, Meshulam nuou, Zadok nuou, Meraioth nuou, Ahitub nuou, Kepenuopfü kinu kekhakecüu chü.

¹²Tsiu uko siezedzüriemia kiu nu mhathokechümiako krie thetha di mepfüekenie; mu Jeroham nuou Adaia, Pelalia nuou, Amzi nuou, Zekaria nuou, Pashur nuou, Malkija nuou.

¹³Mu puo siezedzürieko, u puonuo kinumia krüko, krie kenie di hiediaekenie, siro Azarel nuou Amasai, Ahzai nuou, Meshilemot nuou, Immer nuou.

¹⁴Mu uko siezedzüriekoe, themia kekuo miavimia, krie puo di mepfüethetha, mu uko mhokezhau Zabdiel-e Hagedolim nuou.

¹⁵Siro Leviko: Hashub nuou Shemaia, Azrikam nuou, Hashabia nuou, Buni nuou;

¹⁶siro Shabethai mu Jozabad, Leviko donu krüta puo-Ukepenuopfü kiu nu chazou mhathoko mehoya.

¹⁷Tsiu Mika nuou Matania Zabdi nuou, Asaf nuo, kethezie khakeshü sede kechau nu krütau mu Bakbukia, puo kekhruohiko donu mia kenieu; mu Shammua nuou Abda; Galal nuou, Jeduthun nuou;

¹⁸Levimia pete nadi kemesau nu kebako mia krie kenie di hiethethaedia.

¹⁹Kharu kepfheko: Akub, Talmon mu uko siezedzürieko, kharu pfhe thayakezhako krie puo di hietheniekenie

²⁰Siro Israelmia peshakebako, zievoko, mu Leviko, Juda rünako nu, mia puopuokecü puo kayieu nu lhou.

²¹Derei rüsuoki kituokoe Ofel nu lhou, siro Ziha mu Gishpa-e rüsuoki kituoko kekha.

²²Leviko kemeho-u ro Jerusalem nu kelhou-u Uzi, Bani nuou, puoe Hashabia tsuu, puo pfutsanie ro Matania mu Mika, mu puoe Asaf Ukepenuopfü kiu nu ütsalikechüko mhatho kemeho-unuo kinumia.

²³Kekreilamonyü kediue uko dzevi la diekhashü mu ütsalikechüko la teisonhie se morokesuou khashünu di.

²⁴Siro Meshezabel nuou Pethahia, Juda nuou Zera nuonuoko, u themia dzevi kele mhatho pete pie kediu dzie nu shüya.

²⁵Tsiu socüsonuoko nu u lieko la liro, Juda nuonuo huo Kiriat-arba nu lhou, mu sünu socüsonuoko sa siro Dibou nu mu sünu socüsonuoko, Jekabzil nu mu sünu socüsonuoko,

²⁶Jeshua nu, Molada mu Beth-pelet nu,

²⁷Hazar-shual nu, Beer-sheba nu mu sünu socüsonuoko,

²⁸Ziklag nu, Mekona nu mu sünu socüsonuoko,

²⁹En-rimon nu, Zora nu, Jarmuth nu,

³⁰Zanoa, Adulam, mu uko socüsonuoko, Lakish mu süu lieko, tsiu Azeka mu süu socüsonuoko. Süla ukoe Beersheba nunu vo Hinnom razhau ketso nu lhou.

³¹Benjamin themiako rei Geba nunu vo Mikmash, Aija Bethel mu süko socüsonuoko nu lhou

³²Siro Anathoth, Nob, Anania.

³³Hazar, Rama, Gitaim,

³⁴Hadid, Zeboim, Nebalat,

³⁵Lod mu Ono, mu mhathochüyakezhako razhau,

³⁶mu Juda nu Levimiako kezapie huo bu vo Benjaminmiako zeta.