Read Angami Naga Nehemia 12 Bible Online

Nehemia 12 - Angami Naga bible

Nehemia 12

¹Zievoko mu Leviko Shealtiel nuou Zerubabel mu Joshua ze di khokecüko: Seraia, Jeremia, Ezra,

²Amaria, Maluk, Hatush,

³Shekania, Rehum Meremoth,

⁴Edo, Ginethoi, Abija,

⁵Mijamin, Madia, Bilga,

⁶Shemaia, Joiarib, Jedaia,

⁷Salu, Amok, Hilkia, Jedaia. Hako Jeshua tei ki zievoko mu uko siezedzürieko donu krüta chü.

⁸Siro Leviko: Jeshua, Binui, Kadmiel, Sherebia, Juda, mu Matania, puo mu puo siezedzürieko keze di kethezie tsaliko meho.

⁹Siro kehou teiki Bakbukia mu Uno uko siezedzürieko we uko kepetsoutsa tha di keliya.

¹⁰Siro Jeshua-e Joiakim puou, Joiakim-e Eliashib puou, Eliashib-e Joiada puou,

¹¹Joiada-e Jonathan puou, mu Jonathan-e Jadua puou.

¹²Joiakim zievokechü teiki u puonuo kinumia donu pehüko: Seraiamia donu Meraia, Jeremiamia donu Hanania;

¹³Ezra donu Meshulam, Amariamia donu Jehohanan,

¹⁴Maluki donu Jonathan, Shebaniamia donu Josef,

¹⁵Harimmia donu Adna; Meraioth donu Helkai,

¹⁶Iddomia donu Zekaria; Ginethon donu Meshulam,

¹⁷Abijamia donu Zikri; Miniamin nu Moadiahmia donu Piltai;

¹⁸Bilgamia donu Shammua; Shemaiamia donu Jehonathan;

¹⁹Joiaribmia donu Matenai, Jedaiamia donu Uzi;

²⁰Salaimia, Kalaimia mu Amokmia donu Eber;

²¹Hilkiako donu Hashabia; Jedaiako donu Nethanel.

²²Zievoko liro, Eliashib, Joiada, Johanan mu Jadua tei ki ukoe u puonuo kinuko donu krütako kecü thupietuo; süsie rei Persia Darius kedikechü tei ketso zievoko rei sa chü.

²³Leviko, u puonuo kinumia donu pehükoe, Eliashib nuou Jonathan teiki ketso thedze leshüdau nu thupietuo.

²⁴Siro Levimia pehüko: Hashabia, Sherebia, mu Kadmiel nuou Jeshua, u siezedzürieko ze di uko petsou, kropuo bu kropuo petsou, Ukepenuopfü themiau David diakhakeshü tuoi, ketshepfhe mu kethezie pfhe chü.

²⁵Kikhapfheyakezha Matania, Bakbukia, Obadia, Meshulam, Talmon, mu Akub hakoe kecüca kiko kicieki ki tha di pfheya.

²⁶Themia hako Jozadak nuou Jeshua nuou Joiakim tei ki mu Nehemia kezhau mu Ezra zievo-u leshükesiu teiki lhou.

²⁷Siro Jerusalem dahouu kenyüketuo teiki, ukoe Levinuoko lhoukeba thechü pete nunu uko pfhüta, uko ze Jerusalem nu vor di dahou kenyükecü nhie u nei di mesekejokecü khou, nyarübou, mu bazha selie di kenei pfhe chü di kethezie khashüketuo la.

²⁸Siro ükechüko nuonuo Jerusalem khieümhou kijü razha nu, mu Netofatmia natseko nu vor kengulie.

²⁹Sizomonyü Gilgal nunu mu Geba tsiu Asmaveth kijütsei nunu vorlie: ükechükoe Jerusalem khieümhoura natse nuonuo chüpie lhoubaketa la.

³⁰Siro zievoko mu Leviko u chü kemesalie, süsie ukoe themiako mu kharuko mu dahou-u kenyülie.

³¹Sitse a Juda kedinuonuoko ze dahou gei vorlie, sidi ketshepfhe kechü kro kezha kenie kedalie, sünie puoe dahou thezatsa nunu kerhu Kharu tsatie bata.

³²Siro Hoshaia mu Juda kedinuonuoko ketou bu uko sie medzi vo,

³³tsiu Azaria, Ezra, Meshulam,

³⁴Juda, Benjamin, Shemaia mu Jeremia,

³⁵Mu zievo nuonuo kro puo ketsü se uko setuo, uko zae Jonathan nuou Zakaria, Shemaia nuou, Matania nuou, Mikaia nuou, Zakur nuou, Asaf nuou;

³⁶Siro puo siezedzürieko: Shemaia, Azarel, Milalai, Gilalai, Maai, Nethanel, Juda mu Hanani, mu Ukepenuopfü themiau David bazhako se idi, mu Ezra leshükesiu bu uko mhodzü tuotuo.

³⁷Siro ukoe Dzüluo Kharu kinu mezhü zo David nadiu chapra gei khota, dahou gei kekho nu, David ki mho gei, niathutsa Dzü Kharu tsatie.

³⁸Siro ketshepfhe kechü kro kekreiu thevitsa vota[16], mu a themia ketou puo ze uko siemedzi zo dahou gei vo, miphu dahou mho geinu vo kemeya dahou ketso.

³⁹Siro Efraim Careu mho, Cahou Keweu mho, Khuo Careu, mu Hananel dahou, siro Krie dahou, Tekuonuo Careu vo ketuo kharuu ketso: mu ukoe Kedieki Care ki kemekrie di thata.

⁴⁰Sidi Kepenuopfü kiu nu ketheziekhakeshü kro nie thata, siro a mu mhakekhayakezha ketoupuoe a zetuo

⁴¹Zievoko Eliakim, Maseia, Miniamin, Mikaia, Elioenai, Zekaria mu Hanania uko bu ketsü se.

⁴²Siro Maseia, Shemaia, Eliazar, Uzi, Jehohanan, Malkija, Elam mu Ezer, ukoe uko sietuo, Mu ükechükoe uko krütau Jezrahia zelie di keli peto seshü.

⁴³Sünhie ukoe ruosuo kekra khashü, sidi uko nei se: kekreilamonyü Kepenuopfüe uko bu u nei pie mhapuo chülieketuo chüshü: uko kimiako mu uko nuonuoko rei u nei phi, siro Jerusalem puo neikecüu kepetsera nu rei si vota.

⁴⁴Sünhie huomia bu kinyibouko mhakhruokelieko, puosi vükerieu mu ker za puou, mu thezho nu kemhiei rünako lie nunu zievoko mu Leviko yachütuoü se kevorko mehoketuo la kedalie. Judae uko thekeshüyakezha zievoko mu Leviko ngu u nei phiyakezha la.

⁴⁵Siro ükechüko rei mu kharu kepfheko rei, David mu puo nuou Solomon diekhakeshü tuoi, uko Kepenuopfü lietho-u chüshülie, mu u chükemesalie.

⁴⁶Kekreilamonyü thiedzü David mu Asaf tei ki üchüyakezhakoe u krüta nei, siro ketshe tsali mu kethezie khakeshü se Ukepenuopfü tsüya.

⁴⁷Siro Israelmia pete-e, Zerubabel mu Nehemia teiki, teisonhie puo thuo puo yau pie liethoko mu ükechüko tsütsüya: siro ukoe mhanyakemesako chü kemesa pie Leviko tsüya mu Leviko süko chü kemesa pie Aron nuonuoko tsüya.