Read Angami Naga Nehemia 7 Bible Online

Nehemia 7 - Angami Naga bible

Nehemia 7

¹Siro kudau chü tseilieta tse, ae kikhako chüshülie, kharu kepfheko, ütsali kechüko, mu Leviko kedalie.

²Mu a siezeu Hanani bu Hanania kediki mehoyakezhau sa di Jerusalem meholienushü; kekreilamonyü puoe themia peleliekesü puo mu kekreimia kekra ki rei Kepenuopfü khrü preikuoya.

³Mu ae sie uko ki, “Niaki le parta kemochie Jerusalem kharuko khrüshü hie; siro rükhouko thaluokecü nu, uko bu kikhako khawaliecie, Jerusalem nu kelhouko donu nu rükhouko kedalie, mia huomia bu rükhou thau nu thalie, mu kekreiko bu u ki mhodzünu thalie.”

⁴Rüna nadiu meya mu zha, derei themia sünu kebakoe tsa, tsiu kiko chülie mo zoluo.

⁵Süsie Kepenuopfüe pehüko, kezhako, mu themiako bu u nuosenuoyie medzi di phrüketuo la ze vor kengulie morokesuo pie a nou chüshü. Siro ae uko nuolhou thiedzü kerieki ketuo leshüda puo ngulie, siro a sünu thupie tuo di ngukelie:

⁶Hako rüna nu themiako, Babilon kediu Nebukadnezar bu teze vo kediechüketako; ukoe Jerusalem mu Juda nu, u thuo u rüna nu la vorkelieko.

⁷Ukoe Zerubabel, Jeshua, Nehemia, Azaria, Ramia, Nahamani, Mordekai, Bilshan, Misperet, Bigvai, Nehum, mu Bana ze vor.

⁸Parosh nuonuoko, nyie kenie krie puo di hietheniekenie.

⁹Shefatia nuonuoko, krie se di hietheniekenie.

¹⁰Ara nuonuoko, krie sorou di hiepengouekenie.

¹¹Pahat-moab nuonuoko, süko Jeshua mu Joab nuonuoko, nyie kenie krie thetha di kerethetha.

¹²Elam nuonuoko, nyie puo krie kenie di hiepengouedia.

¹³Zatu nuonuoko, krie thetha di hiediaepengou.

¹⁴Zakai nuonuoko, krie thenie di hiesorou.

¹⁵Binui nuonuoko, krie sorou di hiediaethetha.

¹⁶Bebai nuonuoko, krie sorou di mepfüethetha.

¹⁷Azgad nuonuoko, nyie kenie krie se di mepfüekenie.

¹⁸Adonikam nuonuoko, krie sorou di hiesorouethenie.

¹⁹Bigvai nuonuoko, nyie kenie di hiesorouethenie.

²⁰Adin nuonuoko, krie sorou di hiepengouepengou.

²¹Ater nuonuoko, süko Hezekia yiemia, hiethepfüethetha.

²²Hashum nuonuoko, krie se di mepfüethetha.

²³Bezai nuonuoko, krie se di mepfüedia.

²⁴Harif nuonuoko, krie puo di kerekenie.

²⁵Gibeon nuonuoko, hiethepfüepengou.

²⁶Bethlehem mu Netofa themiako, krie puo di hiethethaethetha.

²⁷Anathoth themiako, krie puo di mepfüethetha.

²⁸Beth-azmaveth themiako hiediaekenie.

²⁹Kiriat-jearim, Kefira, mu Beroth themiako, krie thenie di hiediaese.

³⁰Rama mu Geba themiako, krie sorou di mepfüepuo.

³¹Mikmas themiako, krie puo di mepfüekenie.

³²Bethel mu Ai themiako, krie puo di mepfüese.

³³Nebo kekreiu themiako, hiepengouekenie.

³⁴Elam kekreiu nuonuoko, nyie puo krie kenie di hiepengouedia.

³⁵Harim nuonuoko, krie se di mepfü.

³⁶Jeriko nuonuoko, krie se di hiediaepengou.

³⁷Lod, Hadid mu Ono nuonuoko, krie thenie di mepfüepuo.

³⁸Sena nuonuoko, nyie se krie thepfü di ser.

³⁹Zievoko: Jedaia, süko Jeshua yiemia, kriethepfü di hietheniese.

⁴⁰Imer nuonuoko, nyie puo di hiepengouekenie

⁴¹Pashur nuonuoko, nyie puo krie kenie di hiediaethenie.

⁴²Harim nuonuoko, nyie puo di kerethenie

⁴³Levimiako: Jeshua nuonuoko, süko Kadmiel, mu Hodeva yiemia, hietheniedia

⁴⁴Tsalikechüko: Asaf nuonuoko krie puo di hiediaethetha.

⁴⁵Carekepfheko: Shalum, Ater, Talmon, Akub, Hatita mu Shobai nuonuoko, krie puo di serethetha.

⁴⁶Kerüsuoki kituoko: Ziha, Hasufa, Tabaot,

⁴⁷Keros, Sia, Padon,

⁴⁸Lebana, Hagaba, Shalmai.

⁴⁹Hanan, Giddel, Gahar,

⁵⁰Reaia, Rezin, Nekoda,

⁵¹Gazam, Uza, Pasia,

⁵²Besai, Meunim, Nefushesim,

⁵³Bakuk, Hakufa, Harhur,

⁵⁴Bazlit, Mehida, Harsha,

⁵⁵Barkos, Sisera, Tema,

⁵⁶Nezia mu Hatifa hako nuonuoko.

⁵⁷Solomon kituoko nuonuoko: Sotai, Soferet, Perida,

⁵⁸Jala, Darkon, Giddel,

⁵⁹Shefatia, Hatil, Pokeret-hazebaim, mu Amon, hako nuonuoko.

⁶⁰Rüsuoki nu kituoko, mu Solomon kituoko nuonuoko pete kesa krie se di hiethepfüekenie.

⁶¹Hako Tel-mela, Tel-harsha, Kerub, Adon mu Imer nunu par, derei ukoe u puonuo kikruko morei u yie Israelmia mo mo shikecü thashülie kenjüta.

⁶²Delaia, Tobia mu Nekoda hako nuonuoko, krie sorou di hiediaekenie.

⁶³Siro zievoko liro: Hobaia, Hakoz, mu Barzilai, hako (puoe Banzillai Gilid nuopfü puo liepie puo kimia chükelieu, sidi uko za kietuota).

⁶⁴Themia hako u seyie medzi di phrükeshü leshüda nu uko za pfhü, derei ngulie mota. Süla uko üse mesa mo üta, sidi zievo kechü nu uko sa mota.

⁶⁵Siro kezhau sie uko bu Urim mu Thumim se vorlie kemochie, mha kemesatho cako cülie lho üdi pu.

⁶⁶Kehou themia petekoe nyie hiediaekenie krie se di hiesorou.

⁶⁷Uko kituo thepfumia mu thenumia tsü gei rei ukoe nyie thenie, krie se di serethenie: mu ukoe tsali kechü thepfumia mu thenumia krie kenie di hiediaepengou.

⁶⁸Uko gurako, krie thenie di seresorou: uko gura krie kenie di hiediaepengou:

⁶⁹Uko ut, krie dia di serepengou, gada nyie sorou krie thenie di mepfü.

⁷⁰Siro u puonuo krütako huomia u zha chüshü. Kezhau suna darik nyie puo, mhakhou hiepengou, mu zievo pfhenei krie pengou di ser khapie kinyibou nu shü.

⁷¹Siro u puonuo kinuko krütako huomia suna darik nyie mepfü, mu rakachü mina nyie kenie di krie kenie pie kinyibou nu shü.

⁷²Siro kekreimiako khakeshü suna darik nyie mepfü, mu rakachü mina nyie kenie mu zievo pfhenei hiesoroue thenie.

⁷³Sükemhie di zievoko, Leviko, carekepfheko, themia kro puo, rüsuoki kituoko mu Israelmia pete u thuo u rüna nu lhou phreta.