Read Angami Naga Toukepra 11 Bible Online

Toukepra 11 - Angami Naga bible

Toukepra 11

¹Jihovae Mosa ki, “Tsierei thepetheruo puo se vor Faro mu Ijipt gei shütuo, süsienu puo nieko bu hanu nu tuotatuo; puoe nieko bu tuolienushü tse, puo nieko whuo lotsowatuo.

²Tsie themiako pesishülie, di thepfumia kehoupuorei puo zanuou ki mu thenumia kehoupuo bu rei puo zanuopfü ki rakachü mu suna nyako chalie” sishü.

³Jihovae puo themiako bu Ijiptmiako mhinguki nu thekhrie pfülie. Sizomonyü Mosa zorei Ijipt kijü nu, Faro kituoko mhingu mu themia mhingu ki meyie phita.

⁴Siro Mosae sie, “Jihova hakemhie puya: Khisoteiluo mese ki ae Ijipt donu tuo patuo;

⁵mu Ijipt kijü pete nu nuorieu siatatuo, Faro kediba gei kebau nuo nuorieu nunu vo thoukege khieki keba zetuopfü nuorieu ketso; mu kiri nuorieu pete siatatuo.

⁶Siro Ijipt kijü puochapuochie pete nu kra kemerie chütatuo, thiedzü mhakipuorei chüya mo mu mhakipuorei sükemhie chü salie lho.

⁷Derei Israelmiako zo we, tefü bu themia morei khunuo rei relie lho; nieko bu Jihova Ijiptmiako mu Israel chükho kekreikeshü silieketuo la.

⁸Süsie nieko donu kezhamiako a ki tsurtuo, di a mhodzünu nu nuketsutuo, di sie, ‘Nieko thuo tuoliecie, no mu n siedziko pete rei.’ Mu süsie nu a tuoshütuo” sishü. Sidi puoe puo noumeyie se di Faro kinu tuoprata.

⁹Süsie Jihova Mosa ki, “Faro n pfhe rünyülie lho; a mhatho u ngoko bu Ijipt kijü nu kra salieketuo la” sita.

¹⁰Mosa mu Aron unie ungomhatho hako pete chüpie Faro mhodzünu shü; mu Jihova Faro nou chü perewa, di puoe puo kijü nunu Israelko bu tuopra mvüta.