Read Angami Naga Toukepra 26 Bible Online

Toukepra 26 - Angami Naga bible

Toukepra 26

¹Sizomonyü noe linen keyapfhe puolo kemegei pie dokecü ker pie ruosuopfhekiu chütuo mu puolo keloshü, krü mu merieyharakecü se satuo; siro Cherubnie miarhi chü menuopie puo gei shütuo.

²Keyapfheko puocha thu mepfüethetha tuo, mu puozha thu dia tuo; keyapfhe pete kede phretuo.

³Keyapfheko pengou zu kesatuo; mu kekrei pengouko rei zu kesatuo.

⁴Mu noe keyapfhe zu kesakelieu mhogei kero keloshükecü pie rothou chülietuo; mu sükemhie di keyapfhe zu kesakecü kekreiu rei puokhietho-u mhogei rothou chülietuo.

⁵No keyapfhe puo gei rothou hiepengou chütuo, mu kekrei keyapfhe khie gei rei rothou hie pengou chütuo, rothouko bu kemedetuo.

⁶Mu no suna pie mha kekhakecü hiepengou chütuo, di mha kekhakecüko pie keyapfhenie te kematuo, ruosuopfhekiu pete bu puo chülieketuo la.

⁷Ruosuopfhekiu mho chüketuo la no temvümie pie keyapfhe chülie morosuo; no pfhelha kerepuokrü chülie.

⁸Keyapfhe puo puocha thu sertuo, mu puozha thu diatuo; keyapfhe kerepuokrüko kede phretuo.

⁹No keyapfhe pengou zu kesatuo mu keyapfhe sorou zu kesatuo mu noe pfhekiu dzütsatie keyapfhe sorouu pie kesetuo.

¹⁰Siro no la kerieu la keyapfhe puokhietho-u mhogei rothou hiepengou chülietuo, mu la kenie keyapfhe puokhietho-u mhogei rothou hiepengou chülietuo.

¹¹Siro no mese pie mha tekemakecü hiepengou chülie, sidi mha tekemakecüko pie rothouko nu shütuo, sidi pfhekiu pete shü kemapie puo chülietuo.

¹²Mu pfhekiu keyapfhe peshapie kebako, puo tietsa bu rüsuopfhekiu sietsa rütha tsu whetuo.

¹³Mu pfhekiu keyapfheko puocha geinu thu puo hatsa, thu puo lutsa idi pesha kebako bu ruosuopfhekiu wheketuo la puo tsei hatsa rei lutsa rei rülotuo.

¹⁴Mu no pfhekiu la tekuozhü mu temvüzhü pie puo kewhe puo chülie morosuo.

¹⁵Siro no ruosuopfhekiu la akasia pie puora kepedou kro puo chülie.

¹⁶Puora puo kecha thu kertuo, mu puorau kezha thu puo di puotie tuo.

¹⁷Puora puo gei puo khei kenie batuo, kekhielieketuo la, ruosuopfhekiu chükeshü puora peteko la sükemhie chütuo.

¹⁸Ruosuopfhekiu puorako chülie morosuo: puokhrotsa la puora mepfütuo;

¹⁹mu rakachü pie puo phitou hiedia chüpie puora mepfüko khro shütuo, puo phitou kenie pie puora puo nu puo phinie la, mu puo phitou kenie pie puora kekrei puo khro puo phinie la batuo.

²⁰Mu ruosuopfhekiu tsei kekreitsa la, pesotsa la puora mepfü batuo,

²¹mu rakachü pie kechü puo phitou hiedia, puora puo khro nu puo phitou kenie, mu puora kekrei puo khro nu puo phitou kenienie ituo;

²²mu ruosuopfhekiu sietsa, niakratsa la no puora sorou chülie.

²³Mu no ruosuopfhekiu kithotsa puoke nu la puora kenie chülie;

²⁴sünie pekhrotsa ketsieyatuo, derei pesotsa kekhetuo, rohou kerieu nunu kekhetuo; kenienie rei sükemhietuo; unie pie puokenie chütuo.

²⁵Siro puora thetha batuo, rakachü phitou sa di, puo phitou keresorou; puora puo khro puo phitou kenie mu puora kekreiu khro puo phitou kenietuo.

²⁶Siro no akasia pie seiphi kro puo chülie.

²⁷Ruosuopfhekiu khie tietsatie puo puorako la seiphi pengou, mu ruosuopfhekiu kitho niakratsa rako la seiphi pengou.

²⁸Metsuo nu seiphiu, puorako puo la ketou nu keshüu puotie tietsa puo nu kekreitsa pra tsotuo.

²⁹No puorako suna pie thetuo, mu puo seiphiko pie peliketuo la suna pie riehou chütuo sidi no suna pie seiphiko zetuo.

³⁰Mu kijüthou geinu n pekiekeshü rhiu mhie tou di no rüsuopfhekiu chütuo.

³¹Siro no puo lo keloshü, mu merieyharakecü mu linen puolo mese mu megeikecü pie keyapfhe puo chütuo; pa menuo se di Cherubim miarhi chüpie puo gei shütuo.

³²Mu no keyapfhe pie akasia co dia gei lhatuo, coko suna pie zetuo mu puo cawiko suna pie chütuo, mu coko rakachü pie kechü phitou dia gei lhatuo.

³³Mu no mhakebeko geinu keyapfhe lhatuo, sidi dietseidiekhobouu[31] pie keyapfhe kelha-u puonoutsa lerlietuo, mu keyapfhe thechü kemesau mu kemesatho-u unie kho kekreiwatuo.

³⁴No ngukemezhie bau[32] pie kemesatho chüu nu, dietseidiekhobouu[33] keba mhabouu gei shütuo.

³⁵Mu no mizhüu pie keyapfhe chazoutsa shütuo, siro mitubau pie ruosuopfhekiu pekhrotsa mizhüu rütsietsa batuo; mu no mizhüu pie pesotsa shütuo.

³⁶Siro no pfhekiu kikha la keloshü, teimeziekecü, merieyharakecü mu linen puolo mese mu megeikecü pie puo keya puo chütuo, mu sügei thepre pie puokhu katuo.

³⁷Mu no puo keyau la akasia co pengou chülie di suna pie süko zetuo; uko cawiko suna pie chütuo, mu no süko la merenyi pie puo phitou pengou chütuo.