Read Angami Naga Job 11 Bible Online

Job 11 - Angami Naga bible

Job 11

¹Süsie Zofar Namat-u puo die kela di sie:

²“Die kekra pukeshü, kelakeshü mese moü me? Mu themia die kekra kepuu bu mezhülieya me?

³No diepu mebekeshü la themiako bu kemekrie batatuo me? Mu no mha krekeshü ki, mia n chüpie n bu mengalie lhoü me?

⁴Kekreilamonyü noe sie, ‘A zhorüli[25] mesa mu a Ukepenuopfü[26] mhiki mesa zo.’

⁵Derei hau, Ukepenuopfü bu diepushülie, mu puotie tiehie sie n ki diepushü ücüwe;

⁶sidi puo bu mhasi kepekhreko pie n ki pushü ücüwe! Puo mhasimhale-e krathor zocü la. Süla n kephouma krakelieko kirei Ukepenuopfü n ki lie petsakuo ükecü no siliecie.

⁷“No Ukepenuopfü kesouko pfhü separlie vi me? No Kuokejokejüu[27] thela pfhü separlie vi me.”

⁸Süue tei ki rükriekuo;[28] no kedipuo chülie ta? Süu Sheol ki soukuo no kedipuo silie ta?

⁹Süu mejükeshü kijü ki chakuo, mu dzükezha ki meyakuo.

¹⁰Mhanuü puoe vor di mia tepie kedie chüwa, ketsokecü kehou kieshü ro, supuonie puo khalie ta?

¹¹Puo themia mhacümhatho kemoko sibacü la, puoe kerüzhüko ngu; siüro puoe süu le lhoü me?

¹²Derei nha gada puoe themia mevi di penuo kevor nhie nu, mhasikemomia puoe kesikele ngulietuo.

¹³“Mhanuü no n nou tseiphreilie ro, n dzienie yhapie puo kitsashülietuo.

¹⁴Mhanuü n dzie nu kesuokechü dapfü tuo ro, süu chüpie kepetse nu shüwalie, mu mhakesuo bu n pfhekiko nu ba hie.

¹⁵Sitse n zie mhakerhu bu dawa mo di ngo sielietuo; no khrukhre balietuo, mu michielie lho.

¹⁶Noe kemengakecüko rükra motatuo, mu süu dzü kruketa mhietatuo.

¹⁷Mu n kelhoue khinhieluo kirei ziekuotatuo; süu kezei-e khise kemhielietuo.

¹⁸Mu no kethepfu ngulietuo, kekreilamonyü süue kemerü ba; n rüguolie tuo,[29] sidi kemichie kejüra nu rüleilietuo.

¹⁹No zhü tsutuo, mu miapuorei n chüpie n bu michielie lho; themia kekra n kenei pfhü vortuo.

²⁰Derei kerüzhümia mhi-e tetsutatuo; uko tapraketuo chako jü phretatuo, mu uko uko thesü thelau pie uko kemerüu chütuo” sita.