Read Angami Naga Job 17 Bible Online

Job 17 - Angami Naga bible

Job 17

¹A ruopfü tseütsate, a zhako tseite, a la mekhru kesepie bate.

²Miakreyakezhako a houpfü ba zo, mu a mhi-e uko nouyieko meho ba zo.

³“A pie pfüshütuo n thuo n khashücie; supuonie a pie pfüshütuoü ba ga?

⁴No uko bu mhasimhalelie lhoü uko nou khawate; süla no uko bu kuolie lho.

⁵Themia puo zemia gei meda di puo kinyi ngulietuoükecümia, puo nuonuo mhi zorei mhangu motatuo.

⁶“Puoe a chüpie a bu miadzemiase chü, mu themia bu a mhomhitsie.

⁷Nousuo geinu a mhi rei merüte, tsiu a gei ketuo pete mhakhrü puo tuoite.

⁸Kemezhümia hau ngu di u ngo bate, tsiu kejokejümia rüsou sier pelekemomia petsoutuo.

⁹Sizoürei kemiathomia puo thuo puo zho-u seba zotuo, tsiu u dzie kemesamia kuo miemie sielietuo.

¹⁰Derei nie peteko, rürei la vorlie, a nieko donu mhakesimia puo rei ngulie kenjütakecü la.

¹¹A zhako vote, a noue mengu di mharhüketuoko bierhuowate.

¹²Uko teizei pie teiso chüwa; uko sie, ‘Kezie-e kezeiu penuo bate’ siya.

¹³Ae Sheol pie a kichütuoü meho üro, ae kezei nunu a zhü chülie taü ro,

¹⁴Mhanuü a kheho kesouu ki, ‘Noe a puo’ si, mu zochü ki, ‘Noe a zuo’ morei ‘A üpfü zolie’ isita ro,

¹⁵a kemerü kirapuo ba ta? A kemerü supuonie ngu ta?

¹⁶Süu Sheol dahouko nu letatuo me? Hie keze nyophe nu tsutatuo me?”