Read Angami Naga Job 18 Bible Online

Job 18 - Angami Naga bible

Job 18

¹Sitse Bildad Shuhit-u puo die kela di:

²“Kichiepuo n dieko pfhüpie pu ba zotieya ga? Leshücie, sitse hie n ki mhapushütuo.

³Kiüdi hie üse khunuo kemhie di leya ga? Kiüdi hie n mhiki mhasi moüta ga?

⁴Noe n nouyie nunu n thuo n cierhawate, n la nu kijüu rükra motatieyaü me? Morei tsiekrieu puo tha nunu chü kediwatuo me?

⁵“Ketho, kerüzhümia mitu-u pemhewatuo, tsiu uko miüu zielie lho.

⁶Puo pfhekiu nu miü zeibou zo, tsiu puo gei mitubouu pemhewatuo.

⁷Puo kekuo phichau dzütatuo mu puo dorhüko thuo puo kelhouwatuo.

⁸Puo phi thuo puo teshüpie jal nu shüwaketuo la, mu puoe kheho nu tetsutatuo.

⁹Kebie pethoukeshüu puo phitshü malietuo, tsiu kebieu puo mawatuo.

¹⁰Kijü gei puo la rothou puo keviepie zhü, tsiu puo cha nu kebie chüpie zhüte.

¹¹Lutsahatsa kemeriekecüko puo kechükede, sidi puo sie whuo vote.

¹²Puo terhümerü bu puo kekuo mezuliete, tsiu kepekae dojü se puo pfhe batatuo.

¹³Kechükhue puo cü pejüwatuo, kesianuo nuorieu thuo uko mezulietuo.

¹⁴Uko pfheki kepele kebau chüsetatuo, sidi süu se kedi puo zho suo kemeriekecümia ki votatuo.

¹⁵Uko pfheki nu mhapuorei jü; uko kelhou thechü nu mitsie pie kezashütuo.

¹⁶Uko khrokeba seimieko sotatuo, tsiu uko mhokeba puo coko rüwitatuo.

¹⁷Kijüu gei puo kerükrau jütatuo, mu chaü nu uko za pu motatuo.

¹⁸Kezie nunu uko whuo pie kezei nu shüwatuo, sidi puo whuo pie kijüu ciewatuo.

¹⁹Uko themiako donu uko nuonuo morei utsunuo rei balie lho, morei uko kebara miapuorei peshashülie lho.

²⁰Niakratsa keba u gei chü vorketa ngu u ziekejü chüta, mu niathutsa kelhouko rei u kechükede sebate.

²¹Kerüzhümia kebachü sükemhie mecie zo, mu süu Ukepenuopfü sikemomia thau zo.”