Read Angami Naga Job 23 Bible Online

Job 23 - Angami Naga bible

Job 23

¹Süsie Job-e sie:

²“Thie ha zorei a panyaparakecüko pfhümezhate, a meheimeloshü zorei puo dzie-e mesikuote.

³He-i, kirapuonu puo ngulietie shiü a bu silie, mu a bu puo kebachü nu volie ücüwe!

⁴A dze pie puo mhodzünu shütuo, sidi a tie pie die kekra pu kemeütuo.

⁵Puo kedipuo pu a die kelatie shiü, tsiu a ki kedipuo pu tieshiü a süu ca silie nyü zolie.

⁶Puo puo kekuo zha phi di a petsoutuo me? Mo zo; derei puo a pfhe rünyü zotuo.

⁷Sünu kemiathomia puo ze keprülilie vi, sidi a capiu dzie nunu kechachie a kelalietuo.

⁸“A pedzü phi zorei puoe sünu ba mo, morei pesie la phi derei a puo ngulie mo.

⁹Thevitsa puo thuo puo kevie seba, süla a puo ngulie kenjüte. Süla rürei thezatsa vashü, derei puo ngulie kenjüte.

¹⁰Derei a kevo chau siba, puo a dojükewa sie a suna tuoi partatuo.

¹¹A phi-e puo phichako nu tuo zo, a puo zho-u seba zo, mu sünunu rüreita mo zo.

¹²Ae puo diekhakeshü therhieta mo zo; a puo tie nu dieko pie a merü nu kevie setuo zo.

¹³Derei puo rüdiya kemo-u, supuonie puo biekediwalie vi ga? Puoe kedipuo mengu shi, süu chüshütuo.

¹⁴Puo a la mha kedipuo kese setuo shi süu chüshüyacü la; tsiu mha sümhiecü kekra puo nou ba.

¹⁵Puo keba la a merie bate; a süu lekeshü ki, a puo preitaya.

¹⁶Ukepenuopfüe a melou bie kethachüwate; Kuokejokejüu[45] a biekemidewate;

¹⁷Mhanuü a kezei nunu jüta ro, keteikezeiu a zie zepfülietuo![46]