Read Angami Naga Job 26 Bible Online

Job 26 - Angami Naga bible

Job 26

¹Derei Job-e puo die kela di:

²“Kimhie di no puo kekuokejüu khruohilieya ga? Kimhie di no kethachüu dzie kelalieya ga?

³Kimhie di no mhasi kejüu pethalieya, mu chatha kevi phi khashülieya mu!

⁴Supuo kekhruohi se di n dieko pulieya, mu supuo kerheiro n geinu parya ga?

⁵Dzüko mu sünu lhoukebako khrüe mele baya.

⁶Ukepenuopfü mhodzü Sheol methuo zhü, tsiu kepekae puo kewhe ba mo.

⁷Puoe Zafon[49] pie methuo keba puo nu shüshü, tsiu kijüu pie mhapuorei bakemo gei goushü.

⁸Puoe kimhou shüde-ikecü nunu dzüko phakengu sebaya, tsiu süko kimhou pfükhowaya mo.

⁹Puoe khrüluo zie zepfü baya; tsiu süugei puo kimhou shüjapfü zha.

¹⁰Teisozha mu teizeizha puo thela tsolie kemochie, puoe dzüko zie gei puo tierie rhie piezhüte.

¹¹Puoe kerhiekeshü ki tei coko pekhrukhru bate, tsiu u ngo bate.

¹²Puo kekuo se dzükezha biekenieshü. Puo kesikele se Rahab biekhrüwa.

¹³Puo teikhrie se teiko chü kemesapouishü; puo dzie-e tinyhü rüyiekezhüu zephawa.

¹⁴Harie, hako puo mhatho kro puo, kide rei úko puo dze si petsa shi! Sirei puo teikese chükeshü kekuou supuonie silie ta?” sishü.