Read Angami Naga Job 35 Bible Online

Job 35 - Angami Naga bible

Job 35

¹Siro Elihue die pu sa di sie:

²“Noe sie, ‘Haue Ukepenuopfü mhodzü a mezhü zo’ ikeshü haha puo tou zokecü no leya me?

³Mhanuü noe ketso di sie, ‘A mhakesi kikecüpuo ba ga? Siro a a kephouma nunu mesalie liro a kedipuo pralie ta?’ siya.

⁴A no mu n zekeba n zeko die kelashütuo.

⁵Teiko mehoshü phi, sidi mehoterüshücie; tsiu kimhou n ki rükriekuokecüko mehoshü phi.

⁶Mhanuü no phoumawa ro, kedipuo se puo petsoulie ta? Mu n kephouma chüpekrashü liro, no puo gei kedipuo chülie ta?

⁷Mhanuü no miatho üro, no kedipuo pie puo tsü ta; morei puo n dzie nunu kedipuo ngulie ta?

⁸No mhakesuokechü la themia n kemhiemia puo nou chü pesuowalie vi, tsiu n kemiatho la themia nuonuo bu mevilie vi.

⁹“Kepechü kekra la themiae krakhouitaya; themia kekuomia bou la ukoe kekhruohi chataya.

¹⁰Derei miapuorei sie, ‘Ukepenuopfü a Chükeshüu, theva gei ütsaliko khashüyakezhau kirapuo ba ga?

¹¹kijü nu khunuoko kirei u pethakuokeshüu, tsiu u chüpie u bu teigei perako ki rei mhasikuoshü moü me?’

¹²Uko sünu kra baya, sirei puo uko kelashü mo, themia kesuomia kemiakokecü la.

¹³Ukepenuopfüe kemethuo nunu krakeba rünyülie lho, ketho zo, morei Kuokejokejüu[64] süu üse mhaülie lho.

¹⁴No puo ngu moü di puo pu ba zorei, sirei n nyieu puo mhodzüki ba zo; tsiu noe puo pfheba zo.

¹⁵Derei tsie, puo nouyie nunu pechüshü mo zo, mu puo kesuokechü üse mha üba me?

¹⁶Süla Job-e puo tie tiehiekeshü thedo chü; puoe mhasimhale sa mo di die kekra pute” sishü.