Read Angami Naga Job 4 Bible Online

Job 4 - Angami Naga bible

Job 4

¹Süsie Elifaz Taman-u puo die kela di sie:

²“Mhanuü mia puoe n ki dieca puo pu ro, no n nou suotalie lho nhie mu? Derei supuonie die pu motuoü puo thuo puo kethelie vituo ga?

³Harie, noe themia kekra pethashüe; mu noe themia udzie thachüketuomia rei chüpekuoshüe.

⁴N diekoe tetsutazhü kecümia khrükemeteishü, mu noe u khoudza meteikemomia chü kemeteishü.

⁵Derei tsie süu n gei phirte, mu no shügelie mo bate; süu n bieshüe mu no n nou kemezhie bate.

⁶No Ukepenuopfü kepreiu n kethepfu, n zhorüli kemezhüu n kemerüu moü me?

⁷“Tsie leshücie, supuonie puo kejo jü di kaüjütaya ga? Morei kirapuo nu kemiathomia dathewaya ga?

⁸Ae nguwate, themia mhakesuo cieshüyakezhamia, mu mhakesuo tsia prushüyakezhamia, sükemhie re laya.

⁹Ukepenuopfü keha thesü geinu ukoe kaüjütaya, tsiu puo nouyie nu hakeshü gei uko bie pejüwaya.

¹⁰Losha ruorüi keshü pfhe, losha kemeriekecüu mehokeshü pfhe, tsiu losha nuonuoko hu bietshewate.

¹¹Losha kekuou puo chüte jü di kaüjüte, tsiu losha krüpfü nuonuoko lutsa hatsa cüretuote.

¹²“Tsie mhapuo pekhre di se a ki vorshü, tsiu a nyietoe mha süu huoyo silie.

¹³Teizei gei themia ze tshüi kezhü ki, ziemho nunu lekelie ki,

¹⁴Kemichie a gei vor, tsiu ae perüsürüsata, sitacü a ruko pete mekreta zo.

¹⁵Sitse ruopfü puoe a zie pfüthe vota; a gei a mie kaü zota.

¹⁶Süu thathata, derei a puo rhiu silie kenjüta. A mhodzüki mharhi puoe tha zo; süsie kemekrie zeita, mu a mhapfhe puo sikecü,

¹⁷‘Siatayakezha themiau Ukepenuopfü mhodzünu[10] miatholie vi me? Themia puoe puo Chükeshüu mhodzünu[11] mesalie vi me?

¹⁸Harie, puoe puo kepele pie puo kituomia gei shüya mo; tsiu puo dieliemia üse nyaü taya.

¹⁹Siliro themia rünyo kiko nu lhou kebako we, puo mvüdze nyophe nu kebako, sopro tuoi menouwayakezhako we kiütuo ga?

²⁰Khise nu vo theva ketso uko pekawaya; uko süu le mo ketuo nu kechachie kataya.

²¹Uko geinu uko pfheki kekhe roko lhouwaya, mu uko mhasi jü.’