Read Angami Naga Chieliko 101 Bible Online

Chieliko 101 - Angami Naga bible

Chieliko 101

¹A n kekhrie mu kethoca pu kelituo; harie Jihova a ketshe tsali chüpie n ki shütuowe.

²Ae pejolie kelho kelhou lhoulietuoü menuolietuo, no kicükipuo a ki vortieya mu? Ae pejolie kelho nouu se di a kinu tuotuo.

³A mha kesuo puorei pie a mhingu ki shülie lho. A tetsuketako mhatho ngumecü; süko bu a gei pfürlie lho.

⁴U nou mezhü kemomia bu a kinu pecietatuo; A mha kesuou ze mhapuorei chülie lho.

⁵Kepekhre nu puo zanuomia kebeyakezhamia, a puo bie kemekriezeiwatuo. Kerüzhakecü mhi pfü, mu kemiakokecü nou kenyimia gei a shükhreshühiepfü thalie lho zo.

⁶A mhi-e kijü nu kediethomia gei batuo, uko bu a ze lhou balieketuo la; vi tseikecü chanu tuoyakezhamia a lie chütuo.

⁷Mha se tuoyakezhamia puorei bu a kinu lhoulie lho; ketijü puyakezhamia puorei bu a mhingu ki thalie lho.

⁸A teisoduü kijüu nu kerüzhüko bie kemekriewawatuo. a Jihova nadiu nunu mha kesuo chüyakezha khe dathewatuo.