Read Angami Naga Chieliko 108 Bible Online

Chieliko 108 - Angami Naga bible

Chieliko 108

¹Harie Kepenuopfü, a nou chüsechü bate, a kenei se di keli mu ketshe tsali chütuo.

²Coliecie, lyre mu harp! a sie zilietuo.

³He-i Jihova, themiako donunu a n tshetuo, mu seyieko donunu a ketshe tsali chüpie n kishütuo.

⁴N kekhrie-e rüdirüli mokecü la, teiko kirei rükriekuo, mu n ketho-u kho kimhou tso.

⁵Teiko mho kerükrieu chücie, harie Kepenuopfü, mu n zayieu bu kijü pete mho vocie.

⁶N zatsa nu kuokelie khashücie, a pfhekhoshücie, n kekhriemiako kelalieketuo la.

⁷Ukepenuopfüe kemesachü nunu pushü; a noumvü di Shekem kezashütuo, Sukot razhau mejüshütuo.

⁸Gilid sü a vie, mu Manasseh a vie; Efraim sü a tsüreu zo; Juda sü a kedi the.

⁹Moab sü a dzieteikhou; a phikou kelhoupie Edom gei shütuo; Filistia mho kuokelie shieshütuo.

¹⁰Supuonie a ze vo kuda keba rünau nu shü ta? supuonie a ze vo Edom nu shü ta?

¹¹He-i Kepenuopfü, No hie khawa moü me? mu no hie rüpfhünuoko ze prashü mote, harie Kepenuopfü.

¹²Ngumvümia petsouketuo la kekhruo pie hie tsücie; themia kekhruohi sü kemethuo ze ru.

¹³Ukepenuopfü geinu hie we thepfu se di chütuo, puoe hie ngumvüko kedeshütuo.