Read Angami Naga Chieliko 12 Bible Online

Chieliko 12 - Angami Naga bible

Chieliko 12

¹Kekhruohishücie, he-i Jihova, kemiathomia puorei jüketa la; themia donu kemiatho jüketa la.

²Uko huoniehuo gei medaya; huoniehuo se süsü mu kerüchüya.

³Jihovae bu mia kese tieko, mu kemelhayakezha meüko dathewalie.

⁴Sükoe sie, “Hie meü se kuolietuo; hie tie sü hie vie zo; supuonie hie mho niepuu ga?” iya.

⁵“Kejüko menyükewa la, ketsopfhüko meheimelo keba la, a tsie sietuo, uko khrukhrekecü mengu keba thechü nu” Jihova puya, “A uko pie sünu shüshütuo.”

⁶Jihova dieko sü mesa; miphu nunu rakachü va thenie, the kemesakelie mhie zo.

⁷No hieko yaliecie, he-i Jihova, no thephou hau nunu kechachie ketso hieko pekruse baliecie.

⁸Themiakoe mha kesuou tsheta ro, kerüzhümia thechü pete nu tuotatuo.