Read Angami Naga Chieliko 138 Bible Online

Chieliko 138 - Angami Naga bible

Chieliko 138

¹He-i Jihova, A melou pete se n thezietuo; terhuoko mhodzünu nu n ketshe tsali chütuo.

²A n kemesa rüsuokiu petsoulie di n ruosuo chütuo, n kekhrie rüdirüli kemo mu n ketho la a n za tshetuo; noe n die mu n za pie pete mho shülieketa la.

³A n kekie nhie no a pfhe khoshü, sidi a ruopfü kekuo chü pekuoshü.

⁴He-i Jihova, kijü nu kediko pete n thezietuo, süko n tie nu dieko sikelie ki.

⁵Süko Jihova zhoko pu kelituo, Jihova zapuzayie-e zhacü la.

⁶Jihovae rükrie zoü rei, kerünuoko rei rhuya; derei u thuo u le pevikecüko we puo ratsa nu uko siyakezha zo.

⁷A kemezhiekecü donu tuo zorei, no a perheishü, n dzie chapie a ngumvüko noupfhü petsoutuo, sidi n dzie n zatsa bu a kelalie.

⁸Jihova kele a geinu tseishütuo, He-i Jihova, n kekhrie rüdirüli kemoe kechachie bayie. N thuo n dzie mhathoko khawa hiecie.