Read Angami Naga Chieliko 140 Bible Online

Chieliko 140 - Angami Naga bible

Chieliko 140

¹He-i Jihova, themia kesuo kechüko kinu a shüphrashücie; mia kemvü kechüko kinu a rüguoshücie,

²u nou mha kesuo rhüyakezhako ki nunu, uko terhü pesie sei tuoyakezhako ki nunu.

³Uko tinyhü tuoi uko meütie chü kemetheliete; priele thereiu uko menyie khro tuoya. Selah

⁴He-i Jihova, kelhieko dzie nunu a yashücie; mia kemvü kechüko kinu a rüguoshücie.

⁵Mia rünyüya kemoko a la ciephrie puo pethoupie ba; mu keropie kechü kebie puo chakhie kelhapie zhü. uko a la thephi kemesü khapie zhü. Selah

⁶A Jihova ki; “No a Kepenuopfü zo; a mezhiemelokeshüko rünyüshücie, he-i Jihova” ishü.

⁷He-i Jihova kerükrietho-u, a kelakelie kekuou, rüya zhanhie No a tsü yashüte.

⁸He-i Jihova, kelhieko mengu chü uko tsü hiecie; puo rüzhü doko khruo sashü hie, uko thuo uko le pezhata rei silie lho mu. Selah

⁹A houpfü kebako, u tsü pfü kerüka thate, uko tie kesuo bu uko zepfülietacie;

¹⁰mizhü ketu bu te uko gei tsurcie; uko kelhoupie mi nu shüwatacie, uko bu la parlie kelho thekhe kesou nu shüwayi!

¹¹Mia thayakezhako bu kijü nu uko ba chü hiecie; kesuo kerüzhü bu mia kemvükechüko biekhrüwacie!

¹²Jihovae mia u peseyakezhako yapieketuo mu ketsopfhümia la thezho tou-u chüshüketuo a si ba.

¹³Kemiathokoe kethezie pie n za gei shü tou zotuo, kemezhümia n mhodzü ki lhoutuo.