Read Angami Naga Chieliko 141 Bible Online

Chieliko 141 - Angami Naga bible

Chieliko 141

¹Jihova, a n kieya; kenourhei a ki vorcie; a n kekie ki n nyie pie a pfhe rünyüshücie.

²A kecha bu n mhodzünu mharekethengu tuoilie thienyü, a dzie yhakesie bu thevatie ruosuo puo tuoilie.

³He-i Jihova, a tie kepfhe puo pie bacie; a me kikhau se balieketuo la.

⁴A nou bu kesuo kitsa puorei vo hie, kejokemouko chüyakezhako kro nu kerüzhü mhatho kechü nu vota hiecie; a bu uko ca kelheko rei cü hie.

⁵Kemiatho-u thuo a vücie, kedietho-u thuo a chü kemezhüshücie. Kerüzhümia tier bu a tsü kenhewa hie zocie, a kechaue uko mhatho kesuoko petsou sei baketuo la.

⁶Uko pie uko pejokecü capiko nu shü tse; uko a dieko rünyütuo, süko u neikecü la.

⁷Kijü nunu ketsie phro mu bietshiekecü tuoi, sütuoi Sheol me nunu uko ruko kezakeziwatuo.

⁸Derei a mhi n gei baya zo; he-i a Niepuu, a KEPENUOPFÜ, a n rüzhütuoü pfhüya; a ruopfü kha kemengawa hie zoyi.

⁹Mia kebie chüpie kezhü geinu, kesuokechüko kebie geinu a yashücie.

¹⁰Kelhiecüko bu u thuo u jal nu letacie, mu a bu we taliecie.