Read Angami Naga Chieliko 142 Bible Online

Chieliko 142 - Angami Naga bible

Chieliko 142

¹A a pfhe phra Jihova ki shieshü; a pfhe phra Jihova ki a mezhiemelo.

²A a panyako puo mhodzünu hielashü; a mezhieko pie puo ki pushü.

³A ruopfüe phisiaketa ki, noe a chau si. A ketuo chau nu uko a la ciephrie puo keviepie zhüte.

⁴A zatsa phi di mehoshü phi miapuorei a mehokecü tuo mo; a yakelie tuo mote; miapuorei a ruopfü la puo nounyü mo.

⁵A n ki melieshü, O Jihova; “No sü a keyau mu kerheiko kijü nu a yau zo” ishü.

⁶A kecha leshücie, a pie kerünuo sewaketa la. A kinu a kelashücie, uko a la kuothor zeru.

⁷Kedieki nunu a ze parshücie, a bu n za tshelieketuo la. Kemiathoko a houpfülietuo, no a gei mephruo phishü zokecü la.