Read Angami Naga Chieliko 144 Bible Online

Chieliko 144 - Angami Naga bible

Chieliko 144

¹Jihova a tsiekrieu bu theja pfükelieu chüliecie, terhü do se a dzienie pethakeshüu, kegeicü do se a dziekinuoko pethakeshüu.

²A tsiekrieu[65], a kuda, a dahou kerükrieu mu a kelakelieu, a zhü mu a bu puo rüzhülieya kezhau; themiako[66] pie a khro shüshüyakecüu.

³Jihova, themia ha kedipuo üdi no puo rüli leya mu? morei themianuo ha kedipuo üdi no puo sanyüya mu?

⁴Themia sü thesü puo kemhie zo; puo zhako teisükeyu mhie votaya.

⁵He-i Jihova, n teiko kerünuo kershücie; kijüthouko bieshücie, uko bu khutaketuo la.

⁶Teikemela khashü di uko bie kecürewa; n theütsieko ketseshü di uko phewacie.

⁷Peso geinu n dzie yhashücie, dzükezhako kinu a rüguo mu a kelaliecie, mu rüsorünamia dzie nunu rei,

⁸uko tie mia kese die puya, uko dzie uko zatsa ketho mo.

⁹He-i Kepenuopfü, a tsali kesa puo chüpie n kishütuo; übou puorhü ker kenyi harp pe di ketshe tsali chü n tsütuo.

¹⁰Kelakelie pie kediko tsüyakecüu tsü tuo, mia kedukhri zhiechau nunu puo kituou David kelakelieu.

¹¹Kekhrie kejü zhiecha puo zho kesuou nunu a kelashücie, a kelashücie mu rüsorünamia dzie nunu a shüphrashücie, uko tie mia kese die puya, uko dzie u zatsa ketho mo.

¹²Hie nuonuo thepfumia bu sei lhou zha parketa mhiekelie ki, hie nuonuo thenuko kediki kechü la puoke nu tsieko phropie kezhü tuoi üthienyü;

¹³hie lhaki bu tshulie üthienyü, mha doneiü se, mu hie kuoko bu kruopie nyienyie chücie, nyie kerür cüpie hie lie nu shücie,

¹⁴tsiu hie thuko bu puonuo pfükecüu chücie. Sozha varhuokecü mu mia die chütakecü jü üthienyü, chako nu thenou kesuo kekra pfheü si hie üthienyü.

¹⁵Sikecü theja kepfhümia gei ba, Jihova pie Ukepenuopfü chükelieko theja kepfümia.