Read Angami Naga Chieliko 2 Bible Online

Chieliko 2 - Angami Naga bible

Chieliko 2

¹Kiüdi seyieko kedovaya, mu themiako kemethuo thedo rhüya ga?

²Kijüu kedikoe uko thuo dojülie, tsiu kezhakoe keze kenupu di, Jihova thuo kenhekelieu petsou di,

³“Úko süko phako biethewa, mu süko kinu kevor thephako u kinu biethewa khe” siya.

⁴Teiko gei kebaue uko kreya; Jihovae uko pie kethekrewatuo.

⁵Sidi puoe puo nouyie nunu uko ki mha putuo, mu puo noupfhüu nunu uko kechü di.

⁶“Sirei a a kediu pie kemesa kijüthou, Zion gei shüwate” siya.

⁷A Jihovae thezho khakeshüu putuo; Puo a ki pu di, “No a nuo zo; a thie n penuoshü.

⁸A ki chacie, siro a seyieko pie n phruotuo, mu teibo ketso pie n vie chüshütuo.

⁹No thegi the se süko biephrowatuo; mu litho-u li tuoi süko biephro phaphawatuo” si.

¹⁰Süla, harie kediko, mecieliecie, harie kijüu capiko, nie pethapfüliecie.

¹¹Jihova prei siei di puo lie chülie, tsiu pe zo di.

¹²puo phi mebolie, puo nei mota rei si momu, sitse nie chala nu katatuo, puo nouyie tu mhai siertaketuo la. Kehoupuorei puo pelekelie kheko thejakepfüthowe.