Read Angami Naga Chieliko 20 Bible Online

Chieliko 20 - Angami Naga bible

Chieliko 20

¹Kemezhiekelie nhie Jihova n die kelashü! Jakob Kepenuopfü za bu n yalie thienyü.

²Kemesa chü nunu kekhruo ketse n tsü üthienyü, mu Zion nunu n chü pekuoshücie.

³Puo bu noe khakeshü pete rükracie, tsiu no kethe ruosuo chükeshüko lielie thienyü. Selah

⁴Puo bu n nou kemenguu chüshü n tsücie, mu n mharhü pete chü tseishücie.

⁵Hie bu no kuokelie nu hie neicie, mu hie Kepenuopfü za nunu pfhelhako piesieshücie; Jihova bu n kechako pete chü tseishü thienyü.

⁶A tsie we Jihovae puo thuo kenhekelieu kelalieyacü siliete; mia kelalieyakezha puo dzie puo zatsa kekuou se di puo kemesa teigei nu puo die kelashütuo.

⁷Huomia gura gariko peleya, mu huomia gura peleya, derei hie we Jihova hie Kepenuopfü zau nunu thepfutuo.

⁸Süko melatatuo mu tetsute: derei hie we sie di tha kemeteilietuo.

⁹Kuokelie pie kediu tsücie, he-i Jihova, hie n kiekeshü ki hie pfhekhoshücie.