Read Angami Naga Chieliko 21 Bible Online

Chieliko 21 - Angami Naga bible

Chieliko 21

¹He-i Jihova, Kediue n kekuo gei puo neiya, mu n khruohikecü nu kedipfü puo neiya shi!

²Noe puo nou menguu chüpie puo tsüya, mu puo tie üse chakeshüu pie puo tsü mvüta mo. Selah

³No vicü thejako pie puo tsüshü: No suna kevitho keditsüre puo pie puo tsügei shü.

⁴Puo n ki kerhei cha, ru no se puo tsü, tsiu teisozha kechachie mu kechachie.

⁵No khruohikeshü la puo zayie zha; no zayie mu therhu pie puo tsü.

⁶Noe kechachie thejakepfü pie puo tsü; no puo ze keba kenei se puo nou chü pemvü shü.

⁷Kediue Jihova peleyakecü la, mu kela kejü kekhrie se Kerükrietho-u ketsü la, puoe rükhelie lho.

⁸N dzie-e n ngumvüko pete pfhülietuo, n dzie n zatsae n mecüyakezhako pete pfhülietuo.

⁹No vorcü ki no uko chüpie tu sekezhü mi puo mhiewatuo; puo noupfhü nunu Jihovae süko mezulietuo, mu mi thuo süko mezulietuo.

¹⁰No kijü nunu uko yie pekawatuo, mu themia nuonuoko donunu uko tsia pejütuo.

¹¹Uko n gei mha kesuo rhü liro; uko kerüzhü do rhü zorei uko süu chülie kenjü.

¹²No uko whuo petawatuo, n theü pie uko zie rülietuo.

¹³N kekuo-u nunu kerükrieu chüliecie, he-i Jihova! Hie keli di n kekuo tshetuo.