Read Angami Naga Chieliko 26 Bible Online

Chieliko 26 - Angami Naga bible

Chieliko 26

¹A yapieshücie, he-i Jihova, ae miacümiatho vor zo: A rünie mo zo di Jihova pele vor zo.

²A dojüshücie, he-i Jihova, di a siliecie; a melou mu a kele dojüshücie.

³N kinu kevor rüdirüli kemo kekhrie sü a mhiki tuo zocü la; mu a n gei dietho tuo zo.

⁴A kemethuo kemeruomia ze baya mo, morei ketherakezhako ze kepeza tuo lho.

⁵A kesuo kechüko zakromia chü nyüya mo, a kerüzhüko ze balie lho.

⁶A kekrü kemo nunu a dzie meteituo; sidi a n ruosuobau whi votuo, he-i Jihova,

⁷N ketshe pfhe chü mu n mhatho u ngoko pete pu di.

⁸Harie Jihova, no bayakezha n kiu, a nei, mu n zapuzayie kebachüu a neite!

⁹Kephoumako, morei thezie kepekrumia ze kesa di a tsho kelhouwa hiecie.

¹⁰Süko dzienu kerüzhü ba, mu uko dzie u zatsae theso üse tshupfü.

¹¹Derei a we miacümiathocü nu tuoya; a rhalie mu a ngumezhieshücie.

¹²A phinie-e thechü kemezhü nu tha; a mechü kehouko nu Jihova tshetuo.